Halloween - 2024

မနက်ဖန်က အောက်တိုဘာ ၃၁ ရက်ဆိုတော့ Halloween ပေါ့။

ဂျပန်မှာနေတုန်းကတော့ Halloween ဆိုပြီး စိတ်ထဲ မရှိလှပါဘူး။ ဒီမှာကတော့ Halloween ဆိုရင် မြန်မာပြည်မှာ သီတင်းကျွတ်၊ တန်ဆောင်တိုင်၊ မီးထွန်းပွဲ ကျင်းပသလို အိမ်တိုင်းမှာ မီးရောင်စုံ၊ အရုပ်မျိုးစုံနဲ့ Halloween decorations တွေနဲ့ အလှဆင်ထားကြတယ်။ ကလေးတွေအတွက်ကတော့ ပျော်စရာ event တခုပါပဲ။

အောက်တိုဘာလထဲ ဝင်ပြီ ဆိုတာနဲ့ အိမ်တော်တော်များများ သူတို့ အိမ်ရှေ့ကခြံဝင်းထဲမှာ လူအရိုးစုတွေ၊ အရိုးခေါင်းတွေ၊ သင်္ချိုင်းတွေမှာ ထားတတ်တဲ့ လက်ဝါးကဒ်တိုင်လိုတွေ၊ တိရစ္ဆာန် အကောင်ဗလောင် လေထိုး အရုပ်တွေ၊ ပင့်ကူမျှင်တွေ၊ ပင့်ကူအရုပ်တွေ၊ ကြောက်စရာ၊ ခြောက်ခြားစရာ အရုပ်တွေ၊ စာခြောက်ရုပ်လို အရုပ်တွေ ကို ပုံစံမျိုးစုံ ဆင်ထားကြတယ်။

အိမ်တွေမှာ ပြင်ဆင်ထားကြတာတင် မဟုတ်ဘူး၊ ကားတွေမှာလဲ အဲလိုပဲ။ ခြောက်ခြားစရာ အရုပ်တွေ၊ အရိုးစုတွေ၊ ပင့်ကူတွေ၊ လက်ပြတ်၊ ခြေပြတ်လို အရုပ်တွေ တွဲလောင်းချထားကြတယ်။ ဟိုတနေ့ကပဲ ဘေးကနေ saloon ကားအဖြူလေး ဖြတ်သွားလို့ ကြည့်လိုက်တာ၊ ကားအဖြူကိုလေ သွေးရောင်လို ဆေးတွေနဲ့ ကွက်တိ ကွက်ကြား သုတ်ထားပြီး လက်ပြတ်ကြီးလားမသိဘူး တွဲလောင်းကြီး ချိတ်ထားတယ်။ ရုတ်တရက်ကြည့်လိုက်ရင် သွေးပျက်စရာပါ။

နောက်ပြီး ဒီအချိန် စျေးဝယ်ထွက်ရင်လည်း ဆိုင်တိုင်းလိုလိုမှာ ဖရုံသီး အရွယ်စုံ၊ နောက် ဂန္ဓမာပန်း အဝါရောင် ၊ ကြက်သွေးရောင်လို အရောင်မှိုင်းမှိုင်း ပန်းတွေလည်း ရာသီနဲ့ အလိုက် တင်ရောင်းကြတယ်။ ဝယ်တဲ့သူတွေလည်း ဝယ်ကြတာပဲ။ ကျမတော့ စျေးကြီးလို့ တခါမှ မဝယ်ဘူး။ ဂျပန်မှာတုန်းကတော့ Halloween အချိန် ပြီးသွားပြီဆို ဖရုံသီးအသေးလေးတွေ စျေးချလို့ ကလေးတွေ ငယ်တုန်း ဆော့လို့ရအောင် ဝယ်ပေးဖြစ်တယ်။ ဆော့ပင်တချောင်း၊ ဖရုံသီး အသေးလေး တယောက်တလုံး ပေးထားလိုက်ရင် သူတို့ ဖရုံသီးပေါ် ပုံဆွဲကြတာပဲ။ ဒီမှာတော့ ဖရုံသီးတွေက ဆိုဒ်ပေါ်မူတည်ပြိး စျေးလည်း မတူကြဘူး။ အလှဆင်ဖို့ သက်သက်နဲ့တော့ ပိုက်ဆံအကုန်မခံချင်တာနဲ့ ကလေးတွေ ကစားဖို့လည်း မဝယ်ပေးဖြစ်ပါဘူး။

ကျောင်းတွေမှာဆိုရင်လည်း ကျောင်းသားတွေ နဲ့ ဆရာ၊ ဆရာမတွေ ကိုယ်နှစ်သက်ရာ Halloween costumes ဝတ်ပြီး ကျောင်းလာကြတယ်။ တချို့တွေဆို သွေးတွေ လိမ်းထားသလို မျက်နှာမှာ ခြယ်ထားကြတယ်။ တချို့လည်း သွေးစုပ်ဖုတ်ကောင်လို အစွယ်ကို ပါးစပ်မှာ ခြယ်ထားကြတယ်။ အိမ်က ကလေး တွေကတော့ Universal Studio သွားတုန်းက ဝယ်လာခဲ့တဲ့ Harry porter ဝတ်ရုံကြီး တွေကို ထုတ်ပြီး မနက်ဖန် ကျောင်းသွားရင် ဝတ်သွားဖို့ ပြင်ဆင်နေကြလေရဲ့။ သူ့အရပ်နဲ့ သူ့ဇာတ်နဲ့တော့ ဟုတ်နေတာပါပဲ။

Halloweenနေ့ ညနေ မှောင်စပြုပြီ ဆိုရင် ကလေး၊ လူကြီး ၊ မိသားစုတွေက အနီးအနားကို လမ်းလျှောက်ထွက်ပြီး trick or treat လုပ်ကြတယ်။ အမှန်က ကလေးတွေ သွားချင်တာကို မိဘတွေက အနောက်က လိုက်ထိန်းပေးရင်း သူတို့ နဲ့ အတူ လိုက်ပေးကြတာပါ။ အိမ်တော်တော်များများက Halloween နဲ့ ပတ်သက်ပြီး decoration လုပ်ထားကြတာ တအိမ်နဲ့ တအိမ် မတူကြဘူး။ အဲဒါတွေ လိုက်ကြည့်နေရတာကိုက စိတ်ဝင်စားဖို့ကောင်းတယ်။ တချို့အိမ်တွေဆိုရင် မီးခိုးအငွေ့တွေ နဲ့ အသံပေါင်းစုံ ထွက်ပြီး လာသမျှ လူကို ကြောက်အောင် ခြောက်ပေမယ့် ကြောက်စရာမကောင်းပါဘူး။ ကလေးတွေက အိမ်တံခါးခေါက်ပြီး trick or treat လို့ အော်ပြောရင် အိမ်ထဲက လူကြီးတွေကလည်း Halloween costume ဝတ်ရုံတွေ ဝတ်ထားပြီး ကလေးတွေကို ပြန်ခြောက်ကြတယ်။ ကလေးတွေက အဲလိုဆို ပျော်တာပေါ့။ ပြီးရင် ချောကလက်၊ သကြားလုံး၊ ဂျယ်လီ အဆင်ပြေသလို ကလေးတွေကို ပေးကြပါတယ်။ တချို့အိမ်တွေကတော့ လူကြီးတွေအတွက် ရေဘူး၊ ဘီယာ၊ အချိုရည်၊ အရက်၊ ဆေးခြောက်ပါတဲ့ ဆေးလိပ် စတာတွေကို သောက်ချင်ရင် ယူသောက်လို့ရအောင် ချပေးထားကြတယ်။ အရက်သောက်လို့ ရတဲ့ အသက်အရွယ်ပါ။ လူငယ်တွေကိုတော့ မပေးပါဘူး။

ဒီနေ့လည်း မထင်မှတ်ပဲ Halloween နဲ့ ပတ်သက်တဲ့ အသုံးအဆောင် ပစ္စည်းတွေ ရောင်းတဲ့ဆိုင်ကို ရောက်သွားတော့ အထဲမှာလေ ခင်းကျင်းထားတာ ကြည့်ပြီး အံ့ဩရတယ်။ costumes တွေ accessaries တွေက မျိုးစုံပဲ။ လာဝယ်တဲ့သူတွေလည်း သူ့ဟာသူတော့ ရှိနေတာပဲ။ အဲဒါနဲ့ အဲဒီဆိုင်ရောက်တုန်းလေး အမှတ်တရဖြစ်အောင် short movie လေး ရိုက်လာခဲ့တာ Reels မှာ မနက်ဖန်မှ တင်ပေးမယ်နော်။

*****

 

အောက်က ဓာတ်ပုံက သမီးငယ်က မနက်ဖန် သူ့ကျောင်းက သူငယ်ချင်းတွေကို Halloween treat လုပ်ချင်လို့ သူကိုယ်တိုင် လုပ်ထားတဲ့ လက်ဆောင်လေးတွေပါ။ အထဲမှာ သကြားလုံးလေးတွေ ထည့်ထားတယ်။

အောက်တိုဘာ ၃၀၊ ၂၀၂၄။

အမေရိကားသို့ - အပိုင်း ၂

ဒုတိယပိုင်း မဆက်ခင် တခု ကြိုပြော ထားချင်ပါတယ်။ ကျမ DV consultant တစ်ယောက် မဟုတ်ပါဘူး။ ကျမ ဒီစာကို ရေးတာ ဂျပန်ကနေ DV ပေါက်ပြီး interview ကို US Embassy Tokyo ကနေ ဝင်မယ့် သူတွေ၊ အထူးသဖြင့် မိသားစု အလိုက် အင်တာဗျူး ဝင်မယ့် သူများကို အဆင်ပြေစေချင်တဲ့ရည်ရွယ်ချက်နဲ့ ရေးပေးတာပါ။ အဲဒါကြောင့် DV မထိုးရသေးသူများ၊ မပေါက်သေးသူများ၊ အခုရေးတဲ့ ပို့စ်ကို မှတ်ထားပြီး ကိုယ့်အတွက် ပြင်ဆင်စရာ ရှိတာ ပြင်ဆင်ပါ။ Reference အနေနဲ့ပဲ အသုံးပြုပါ။ စာရွက်စာတမ်း မရှိသေးရင် ရှိအောင် လုပ်ပါလို့ အကြံပြုပါတယ်။ တကယ်တမ်း KCC ကို ပို့ပေးရတဲ့ စာရွက်စာတမ်းတွေက common ဖြစ်ပြီး ဘယ်နိုင်ငံကနေမဆို DV ပေါက်တဲ့သူတိုင်းနဲ့ သက်ဆိုင်ပါတယ်။ ဒါပေမယ့် interview ဝင်ရတော့မယ်ဆိုရင် သက်ဆိုင်ရာ US Embassy က နိုင်ငံပေါ်မူတည်ပြီး တခြား စာရွက်စာတမ်းတွေ ထပ်တောင်းနိုင်ပါတယ်။

မနေ့က မေးခွန်းတွေထဲမှာ Financial Evidences နဲ့ ပတ်သက်ပြီး မေးတာတွေ့မိလို့ပါ။ သံရုံးက ကျမကို Financial Evidences တောင်းတာ ကျမနဲ့အတူ မိသားစုကိုပါ ခေါ်တာမို့ တောင်းတာ ဖြစ်ကောင်း ဖြစ်နိုင်ပါတယ်။ တယောက်တည်း သမားတွေဆိုရင် တော့ တောင်းချင်မှ တောင်းပါ လိမ့်မယ်။ သံရုံးက မေးလ်ထဲမှာ ကျမကို ပြောတာက အောက်မှာရေးထားသလိုပါပဲ..

Financial evidence could be assets of your saving or your family to proof that you, your spouse, and two children can be financially supported in the United States.

Please see HHS poverty guideline https://www.uscis.gov/i-864p

 

နောက် တခု အကြံပေးချင်တာက ဖြစ်နိုင်မယ်ဆိုရင် travel.state.gov website ထဲက if you are selected ကိုအကုန်လုံး နားလည်အောင် အခေါက်ခေါက်၊ အခါခါ ဖတ်ထားနိုင်မယ်၊ နားလည်နေမယ်ဆိုရင် DV ပေါက်ပြီး နောက်ပိုင်း လုပ်ရမယ့် အဆင့်တွေကို တဖြေးဖြေးချင်း လုပ်နိုင်သွားပါလိမ့်မယ်။ ပေါက်တဲ့သူတွေကတော့ မဖြစ်မနေ ဖတ်ကို ဖတ်ရမယ်၊ မပေါက်သေးရင်လည်း အခုကတည်း ကြိုဖတ်ထားလို့ အကျိုးမယုတ်ပါဘူး။ ဘာလို့လဲဆိုတော့ အဲဒီမှာ ရေးထားတာတွေအတိုင်းပဲ process လုပ်သွားတာဖြစ်လို့ပါ။

တချို့မေးခွန်းတွေက ကျမ နောက်ပိုင်း ရေးရင်းနဲ့ သိလာပါလိမ့်မယ်။ ကြိုမေးထားပြီး ကြိုသိထားရင် စိတ်လှုပ်ရှားစရာ မကောင်းတော့ဘူး မဟုတ်လား။

*******

US Embassy နဲ့ လိုအပ်တဲ့ စာရွက်စာတမ်းတွေကို မေးလ်နဲ့ ဆက်သွယ်ပြီး ပေးနေရသလို တဖက်မှာလည်း ဆေးစစ်ဖို့အတွက် ပြင်ဆင်ရပါတယ်။ Embassy website မှာ ပြောထားတဲ့ ဆေးစစ်ရမယ့် ဆေးခန်းက ဂျပန်နိုင်ငံ မှာ စုစုပေါင်း ၄ ခုပဲ ရှိပြီးတော့၊ ကျမ နေတဲ့ဘက်မှာတော့ ဆေးခန်းက တစ်ခုပဲ ရှိပါတယ်။

သံရုံးက interview date သိရတဲ့ အချိန်မှာပဲ အနားက ဆေးခန်းရဲ့ website ကို သွားကြည့်တော့ ဆေးခန်းက ဂျပန် နွေရာသီ ပိတ်ရက်ရှည် နဲ့ တိုးပြီး ၇ လပိုင်းကုန်လောက်ကနေ ဩဂုတ်လဆန်း အထိ ပိတ်ထားတဲ့အချိန်နဲ့ သွားတိုက်နေပါတယ်။ ဩဂုတ်လ ၁၀ ရက်နေ့မှ ဆေးခန်း ပြန်ဖွင့်မှာမို့ ကျမတို့လည်း တိုကျိုက ဆေးခန်း ၂ ခုကို မမေးတော့ပဲ အနားက ဆေးခန်းပြန်ဖွင့်တဲ့အချိန်အထိ စောင့်မယ်လို့ ဆုံးဖြတ်လိုက်ပါတယ်။ တိုကျိုက ဆေးခန်းတွေကို ဆေးစစ်ဖို့ မရွေးရတဲ့ အကြောင်းက အဲဒီတလော ဂျပန်ရဲ့ နေရာတော်တော်များများ မှာ Covid case တွေ တအားတက်နေတာကြောင့် state emergency ထုတ်ထားတဲ့ အချိန်ဖြစ်နေတာရော၊ ဆေးစစ်ဖို့ အတွက် မိသားစု ၄ ယောက်စလုံး တိုကျိုတက်ဖို့ဆို ရှင်းကန်ဆန်စရိတ်ကလည်း စျေးကြီးတာကြောင့် အနီးနားကဆေးခန်းဖွင့်တဲ့အချိန်ကို စောင့်လိုက်တာပါ။ ရှင်းကန်ဆန်စရိတ်က တယောက်ကို အသွားအပြန် ယန်း ၃ သောင်းနီးပါး ၊ ဒေါ်လာဆိုရင်တော့ ခန့်မှန်းခြေ ၂၅၀ လောက်နဲ့ ၄ ယောက်ဆို အနည်းဆုံး ဒေါ်လာ ၁၀၀၀ လောက် ပေးရမှာပါ။

ဩဂုတ်လ ၁၀ ရက် ၂၀၂၁ နေ့ ဆေးခန်းကို ဖုန်းဆက်ပြီး appointment ယူတော့ အစောဆုံး ဩဂုတ်လ ၁၂ ရက်နေ့မှ ဆေးစစ်လို့ရမှာဖြစ်ပြီး ဆေးစစ်တဲ့အဖြေ ရဖို့ ၁၀ ရက်ကနေ ၂ ပတ်ကြာမယ်လို့ တာဝန်ကျ ဆရာဝန်က ပြောပါတယ်။ အဲဒါဆိုတော့ အင်တာဗျူးသွားမယ့် ရက်မှာ ဆေးစစ်အဖြေကို သံရုံးကို ပေးနိုင်မှာ မဟုတ်ပါဘူး။ အဲဒါနဲ့ တိုကျိုက ဆေးခန်း ၂ ခုဆီ ဖုန်းဆက်မေးတော့လည်း အလားတူ ၁၀ ရက်ကနေ ၂ ပတ်ကြာမယ်လို့ ပြောပါတယ်။ အဲဒါကြောင့် သံရုံးကို တခါ ဖုန်းဆက်ပြီး အင်တာဗျူးရက်မှာ ဆေးစစ်တဲ့အဖြေရမှာ မဟုတ်တဲ့အတွက် ဘယ်လို လုပ်ရမလဲဆိုတာ လှမ်းမေးရပြန်ပါတယ်။ သံရုံးက အင်တာဗျူးကို အရင်လာခဲ့ပါ ဆေးစစ်တဲ့အဖြေက နောက်မှ ပို့ပေးပါလို့ ပြောတာနဲ့ ဆေးစစ်တဲ့ရက်ကို ဩဂုတ်လ ၁၂ ရက် ၂၀၂၁၊ မနက် ၁၁ နာရီ appointment ယူလိုက်ပါတယ်။

ဩဂုတ် ၁၂ ရက် ၂၀၂၁ နေ့မှာ ကျမတို့ မိသားစု ၄ ယောက်စလုံး ဆေးစစ်ရမယ့် ဆေးခန်းကို ၁၁ နာရီ မထိုးခင် အရောက်သွားပါတယ်။ ရောက်တာနဲ့ reception မှာ စာရွက်စာတမ်းတွေ ပေးစရာရှိတာ ပေး၊ ထပ်ဖြည့်ခိုင်းတာ ထပ်ဖြည့်၊ နောက် ဆေးစစ်ထားတဲ့အဖြေရလာရင် ကိုယ့်နေတဲ့ နေရာကို ပြန်ပို့ပေးဖို့ letter pack (registered mail) မှာ နာမည်၊ လိပ်စာ တွေ ရေးပေးရပါတယ် ။

ဆေးစစ်ဖို့ မိသားစု ၄ ယောက်အတွက် လိုအပ်တဲ့ စာရွက်စာတမ်းတွေက

၁။ ကလေးတွေ ရဲ့ မိခင်နဲ့ ကလေး မှတ်တမ်း စာအုပ်（母子手帳）

၂။ ဆေးမှတ်တမ်းစာအုပ် (薬手帳）

၃။ လက်ရှိ ပတ်စပို့ စာအုပ်

၄။ သံရုံးကနေ ပို့ထားတဲ့ interview appointment letter email (print ထုတ်ရပါမယ်။)

၅။ D-260 confirmation page

၆။ ဓာတ်ပုံ ၄ ပုံ

၇။ လူကြီးတွေကတော့ ကာကွယ်ဆေး ထိုးထားတဲ့ မှတ်တမ်းလိုမျိုးရှိရင် ယူသွားရပါမယ်။ မြန်မာပြည်က လူတွေကျတော့ အဲလို မှတ်တမ်းမျိုး မရှိတာမို့ ကာကွယ်ဆေး မှတ်တမ်း စာအုပ်မရှိဘူးလို့ပဲ ဆရာဝန်ကို ဖုန်းနဲ့ appointment ယူတုန်းက ပြောထားလိုက်ပါတယ်။

၈။ DS-2054 form ဖြည့်ရပါတယ်။

အဲဒီ form မှာ ဖြည့်ရတာက လက်ရှိ နေတဲ့ အိမ်လိပ်စာ၊ US ရောက်ရင် နေမယ့်လိပ်စာ၊ Passport number၊ Case Number၊ email address၊ ဖုန်းနံပါတ်၊ အရင်တုန်းက US Immigrant visa အတွက် ဆေးစစ်ဖူးတာ ရှိမရှိ၊ ရှိရင် ဆေးစစ်ခဲ့တဲ့ ရက်စွဲကို ဖြည့်ပေးရပါမယ်။ နောက် visa category ဖြည့်ရပါတယ်။ Immigrant visa၊ Refugee၊ Asylee၊ Non-immigrant visa စသဖြင့် ရွေးပေးရတာပါ။

၉။ ဆေးခန်းရောက်မှ နောက်ထပ် Form တခု ထပ်ဖြည့်ခိုင်းပါသေးတယ်။ အဲဒါကတော့ ကျမတို့ မြန်မာပြည်ကနေ စပြီး တောက်လျှောက် နေခဲ့တဲ့ နိုင်ငံတွေကို အကုန် ရေးပေး ရပါတယ်။ (ဂျပန်မှာပဲ တောင်းတာ ဖြစ်နိုင်ပါတယ်။ တခြားနေရာက ဆေးခန်းတွေမှာ တောင်းချင်မှ တောင်းမှာပါ။)

ဆေးစစ်တာကတော့ အားလုံး အတူတူပါပဲ။ သွေးဖောက်ယူတယ်၊ ဆီးစစ်ဖို့ ယူတယ်၊ ဓာတ်မှန်ရိုက်တယ်၊ သွေးပေါင်ချိန် တိုင်းတယ်၊ မျက်စိ စစ်တယ် ဂပင၁ အဲဒါတွေ ကြည့်ရတာ၊ ဆရာဝန်မေးတာ ဖြေရတယ်၊ လက်ရှိသောက်နေတဲ့ဆေး၊ ကိုယ်ပြနေကြ ဆရာဝန်ရှိရင် အဲဒါနဲ့ ပတ်သက်တဲ့ ရာဇဝင်တွေကို ဆရာဝန်ကို အကုန်ပြောပြရပါတယ်။ အဓိက TB ဖြစ်ဖူးတာ ရှိမရှိ၊ ရောဂါ ကြီးကြီးမားမား ဖြစ်ဖူးထားတာ ရှိမရှိ၊ ဆေးရုံ တက်ဖူးတာမျိုး ရှိမရှိ၊ နောက် ကျမကိုတော့ စိတ်ရောဂါ ဆရာဝန်နဲ့ consult လုပ်ဖူးလားလို့ မေးပါတယ်။ ခွဲစိတ်ဖူးတာမျိုး ရှိမရှိ၊ ရှိရင်လည်း ဘာကြောင့် ခွဲစိတ်ရတာလဲ ပြောပြရပါတယ်။ ဒီမှာကျတော့ သောက်ဆေးက ကိုယ့်ဟာကိုယ် ဝယ်သောက်လို့ မရပါဘူး။ ဆရာဝန်ညွှန်ကြားမှ သောက်ရတာမို့ လက်ရှိသောက်နေတဲ့ ဆေးတွေကို တခါတည်း ပြောပြထားလိုက်တာပါ။ ပြီးတော့ ဆရာဝန်က US သွားမယ်ဆိုရင် မဖြစ်မနေ ထိုးရမယ့် ကာကွယ်ဆေးစာရင်းကို ပြပါတယ်။ နောက် နားကျပ်နဲ့ နည်းနည်းပါးပါး စမ်းသပ်ပြီး လူကြီးတွေအတွက် အဲဒီလောက်နဲ့တင် ပြီးပါတယ်။

ကလေးတွေကိုလည်း တယောက်ချင်းဆီ ဘယ်နှစ်တန်းရောက်ပြီလဲ၊ ကျောင်းမှာ ပျော်လား၊ နာမည်ဘယ်လိုခေါ်လဲ ၊ ကျောင်းက ကျွေးတဲ့ ထမင်းကြိုက်လား၊ ဆရာမနာမည် ဘယ်လိုခေါ်သလဲ စသဖြင့် မေးခွန်းလေးတွေ မေးပြီး ကျမကိုတော့ ကလေးတွေ ငယ်ငယ်တုန်းကနေ အခုထိ ရောဂါ ကြီးကြီးမားမား ဖြစ်ဖူးလား၊ ဆေးရုံ တက်ဖူးလား၊ အစားအသောက်နဲ့ ပတ်သက်ပြီး food allergy လိုမျိုး ရှိလား ဆိုတာတွေ မေးပါတယ်။ ပြီးတော့ နားကျပ်နဲ့ ရင်ဘတ်ကို စမ်းသပ်ပြီး ကလေးတွေ လက်၊ ခြေထောက် အရိုး သန်မသန် စစ်ဆေးပါတယ်။ ကလေးတွေအတွက် ကာကွယ်ဆေးကိုတော့ ဂျပန်အစိုးရက သတ်မှတ်ထားတဲ့ ကာကွယ်ဆေး ထိုးပြီးသား မှတ်တမ်းနဲ့ US က သတ်မှတ်ထားတဲ့ မဖြစ်မနေ ထိုးရမယ့် ကာကွယ်ဆေးတွေကို တိုက်ကြည့်ပြီးတော့ လိုတာတွေ ထပ်ထိုးရမယ်လို့ ပြောပါတယ်။

နောက်ဆုံး စာရင်းပိတ်တော့ ကလေးတွေက ကာကွယ်ဆေး ၄ လုံးစီ နဲ့ လူကြီးတွေက ၃ လုံးစီ ထိုးခံလိုက်ရပါတယ်။ ဆေးစစ်တဲ့ ကုန်ကျစရိတ်က တယောက်ကို ဂျပန်ယန်း ၅ သောင်းကျော် (ခန့်မှန်းခြေ ဒေါ်လာ ၅၀၀ လောက်ပေါ့) ပေးရပါတယ်။ မိသားစု ၄ ယောက်အတွက် စုစုပေါင်း ယန်း သောင်း ၂၀ ကျော် (ခန့်မှန်းခြေ ဒေါ်လာ ၂၀၀၀ လောက်) ပေးလိုက်ရပါတယ်။ ဆေးစစ်တာက နေ့တဝက်လောက်ဆို ပြီးပါတယ်။ ဆေးခန်းက ဆရာဝန်က မပြန်ခင်မှာ အခု ကာကွယ်ဆေးတွေ ထိုးပြီး ၂ ပတ်အတွင်း တခြား ဘာကာကွယ်ဆေးမှ မထိုးဖို့၊ ဆေးစစ်တဲ့ အဖြေ စာအိတ်ကို မဖွင့်ပဲ သံရုံးကို တင်ဖို့၊ ကာကွယ်ဆေး ထိုးထားတဲ့ စာရင်း စာရွက်ကို သိမ်းထားပြီး ကလေးတွေ ကျောင်းတက်ရင် အဲဒီစာရွက်ပြဖို့ ၊ ဓာတ်မှန် CD ပေးလိုက်မှာ ဖြစ်ပြီး US အဝင် လေဆိပ်မှာ တောင်းရင်ပေးလို့ရအောင် ကိုယ်နဲ့ မကွာဆောင်ထားဖို့ စသဖြင့် ရှင်းပြပါတယ်။

ဩဂုတ်လ ၁၈ ရက် ၂၀၂၁ မှာတော့ ၁၉ ရက်နေ့ အင်တာဗျူးအတွက် ကျမနေတဲ့နေရာကနေ ညနေလောက်မှာ တိုကျိုကို တက်ခဲ့ပါတယ်။

ဆက်ရန်..

အောက်တိုဘာ ၅၊ ၂၀၂၁။

အမေရိကားသို့ - အပိုင်း ၁

ဒီနေ့ မထင်မှတ်ပဲ ဒီ Blog လေးဆီ မျက်စိလည် လမ်းမှားပြီး ရောက်လာခဲ့တယ်။ ရောက်လာတော့လေ အရင်တုန်းက ရေးခဲ့တာတွေ၊ Blog တကာလျှောက်လည်ပြီး Blogger တွေနဲ့ အပြင်မှာပါ သူငယ်ချင်းဖြစ်ခဲ့တာတွေကို ပြန်သတိရမိလာပြီး စာရေးချင်လာတာနဲ့ Blog လေးကို အသက်ပြန်သွင်းလိုက်ပါဦးမယ်။ အခု နုစံရဲ့ ဘ၀ တကွေ့ တဆစ်ချိုးအကြောင်း ရေးထားတာတွေကို ဒီ Blog မှာ ပြန်ကူးတင်ဖို့ စိတ်ကူးရလာတာနဲ့ ၂၀၂၁ ခုနှစ်လောက်က DV Group မှာရေးထားပြီးသားကို copy ကူး တင်ပေးလိုက်ပါတယ်။ လောလောဆယ် ခေါင်းစဉ်က ဘာပေးရမှန်းမသိလို့ အပိုင်း ၁ လို့ပဲ ခဏ ပေးထားမယ်နော်။ အပိုင်း ၇ ပိုင်းအထိ ရှိပါတယ်။

*******

အပိုင်း - ၁

အောက်တိုဘာလထဲရောက်လာပြီ ဆိုတော့ ၂၀၂၁ DV program ကလည်း ပြီးသွားခဲ့ပါပြီ။ DV နဲ့ ပတ်သတ်ပြီး ကျမလို အခက်အခဲ ကြုံခဲ့မယ်ဆိုရင် ဘယ်လိုမျိုး ဖြေရှင်းရမယ် ဆိုတာ သိစေချင်တာရော၊ မိသားစုအလိုက် DV အတွက် D-260 တင်ကတည်းကနေ အင်တာဗျူးပြီးသွားတဲ့အထိ process လုပ်ခဲ့တာတွေကို အမှတ်တရ သိမ်းထားချင်တာမို့ အခုစာကို ရေးဖြစ်ပါတယ်။

ကျမက လောလောဆယ် ဂျပန်မှာ နေနေပြီး မိသားစု ၄ ယောက်ရှိပါတယ်။ ကလေးတွေကို ဂျပန်မှာပဲ မွေးထားပြီး မူလတန်းအရွယ်ရောက်နေ ကြပါပြီ။ ကျမ နဲ့ အမျိုးသားကတော့ ၂ ယောက်စလုံး IT နဲ့ ပတ်သက်တဲ့ အလုပ် လုပ်နေပါတယ်။ အမျိုးသားက အလုပ်နဲ့ နိုင်ငံ ၃၊ ၄ ခုလောက်မှာ နေခဲ့ဖူးပါတယ်။ ၁ နှစ်ကျော်နေခဲ့တာက UK, Japan နဲ့ China ပါ။

DV ကို နှစ်တော်တော်များများ ဆက်တိုက် တင်လာခဲ့ပေမယ့်၂၀၂၁ အတွက်မှ ပေါက်ခဲ့တာပါ။ DV interview ကိုတော့ ဂျပန်မှာ နေတာဖြစ်တဲ့အတွက် တိုကျို US Embassy ကနေ အင်တာဗျူး ဝင်မယ်လို့ ဖြည့်ခဲ့ပါတယ်။ ပြီးခဲ့တဲ့ ၂၀၂၀ ခုနှစ် ဇွန်လဆန်းလောက်မှာ ကျမ DV ပေါက်တယ်ဆိုတာ သိခဲ့ရပါတယ်။ ထုံးစံအတိုင်း DV ပေါက်တဲ့ထဲ ပါပြီဆိုတာနဲ့ နောက်တဆင့်က ကျမတို့ မိသားစု ၄ ယောက်စလုံး အတွက် D-260 form ဖြည့်ရတော့ တာပါပဲ။

D-260 မှာ လိုတာတွေကတော့ ကိုယ့်မွေးကတည်းကနေ အသက် ၁၆ နှစ်နောက်ပိုင်း နေခဲ့တဲ့ အိမ်လိပ်စာ လိုပါတယ်။ အဲဒီအပေါ်မူတည်ပြီး ကိုယ်နေခဲ့တာ ၁ နှစ်ကျော်သွားရင် ရဲစခန်းထောက်ခံစာတွေ ပေးရတာမို့ သေချာလေး မမှားအောင်ဖြည့်ရမှာပါ။ ဘယ်မှ မသွားဖူးရင်တော့ ဖြည့်ရတာ ပြသနာမရှိပေမယ့် အလုပ်ကြောင့် ပြောင်းရ ရွှေ့ရတာမျိုးတွေ ရှိလာခဲ့ရင်တော့ အထူး သတိထားပြီး ဖြည့်ဖို့ လိုအပ်ပါတယ်။

Passport ကလည်း US ကို သွားမယ့် အချိန်ထိ သက်တမ်း ရှိနေ ဖို့ လိုအပ်ပါတယ်။ မရှိနေရင် သက်တမ်းတိုးပြီးမှ D-260 form မှာ ဖြည့်တာ ပိုကောင်းပါတယ် လို့အကြံပြုပါတယ်။ ပညာအရည်အချင်း၊ အလုပ်အကိုင် နဲ့ ပတ်သက်ပြီးဖြည့်ရပါတယ်။ မိဘ ရှိနေသေးရင်လည်း ဖြည့်ရသလို ဆုံးသွားပြီဆိုရင်လည်း သေဆုံးတဲ့ နှစ်တွေကိုပါ ဖြည့်ဖို့လိုပါတယ်။ ကလေးတွေလည်း အတူတူပါပဲ။ မိသားစု ရှိတဲ့သူတွေက US ကို ပြောင်းရင် ကလေးတွေ နဲ့ အိမ်ထောင်ဘက်ကို တခါတည်း ခေါ်သွားမလားဆိုတာ D-260 form တင်ကတည်းက ဖြည့်ဖို့ လိုအပ်ပါတယ်။ နောက် ဆက်သွယ်ရမယ့် email လိပ်စာ ကို မမှားအောင်ဖြည့်ပါ၊ ကိုယ်အမြဲသုံးတဲ့ email address ကို ပေးပါ။

D-260 form ကို submit မလုပ်ခင် သေချာ စစ်ဆေးပြီးမှ submit လုပ်ပါ။ Submit လုပ်ပြီး confirmation page တွေ၊ ကိုယ်ဖြည့်ထားတဲ့ D-260 form ကို DV ပေါက်တဲ့သူရော မိသားစုဝင်တွေ အတွက်ပါ ပီဒီအက် ဖိုင်နဲ့ သေချာ သိမ်းထားဖို့ လိုအပ်ပါတယ်။ နောက်ပိုင်း interview ဖြစ်ဖြစ်၊ ဆေးစစ်တာဖြစ်ဖြစ်၊ ရဲစခန်းထောက်ခံစာတောင်းတာပဲဖြစ်ဖြစ် ကိုယ့်ရဲ့ case number နဲ့ D-260 form confirmation page (bar code ပါတဲ့စာမျက်နှာ) ကို ဂျပန်မှာ တောင်းပါတယ်။ လိုအပ်တဲ့အချိန်ပေးနိုင်အောင်၊ ပြနိုင်အောင် print လုပ်ပြီး သိမ်းထားပါ။

D-260 form ဖြည့်တော့ ကျမတို့အတွက် အခက်အခဲက အလုပ်ကြောင့် နေရာပြောင်းခဲ့တာတွေ ရှိတာမို့ တချို့ အိမ်လိပ်စာတွေ၊ ရုံးလိပ်စာတွေ မမှတ်မိတော့ပါဘူး။ ပညာအရည်အချင်း ဘွဲ့ရတဲ့နှစ်တွေ နောက် အလုပ်နဲ့ ပတ်သက်တဲ့ ရာဇဝင်ဖြည့်တဲ့အခါမှာ တော်တော်လေး သတိထားဖြည့်ခဲ့ရသလို၊ မဖြည့်ခင် အချက်အလက် စုဆောင်းတာ အချိန်ကြာတာမို့ ကျမတို့ မိသားစု ၄ ယောက်စလုံး အတွက် D-260 form ကို submit လုပ်တော့ စက်တင်ဘာ ၄ ရက်၊ ၂၀၂၀ ဖြစ်သွားပါပြီ။

အောက်တိုဘာ ၂၃ ၊ ၂၀၂၀ မှာ နောက်တဆင့်အတွက် လိုအပ်တဲ့စာရွက်စာတမ်းတွေ (Further DV Documents Required) ပေးဖို့ KCC ကနေ မေးလ်ရောက်လာပါတယ်။ ပေးရမယ့် စာရွက်တွေက မိသားစု ၄ ယောက်လုံးစာအတွက်

၁။မွေးစာရင်း (မူရင်း + နိုတြီ)

၂။လက်ထပ်စာချုပ် ( မူရင်း + နိုတြီ)

၃။ ရဲစခန်းထောက်ခံစာ

၄။ လက်ရှိ Passport Bio page ( D-260 form မှာဖြည့်ခဲ့တဲ့ valid passport ပါ)

၁။ မွေးစာရင်းက ကျမတို့ လူကြီး ၂ ယောက်ကတော့ မြန်မာပြည်က မွေးစာရင်း ကို နိုတြီပြန်ရပါတယ်။ ကလေး ၂ ယောက်ကတော့ ဒီနိုင်ငံမှာ မွေးတာဖြစ်လို့ မွေးစာရင်းကို နေထိုင်ရာ ရပ်ကွက်ရုံးမှာ သွားထုတ်ပြီး အင်္ဂလိပ်လို translate လုပ်ပေးရပါတယ်။

၂။ လက်ထပ်စာချုပ်ကိုလည်း နိုတြီပြန်ရပါတယ်။

၃။ ရဲစခန်းထောက်ခံစာပေးဖို့အတွက် ကျမက ၂ ခုပေးဖို့ လိုပါတယ်။ ရန်ကုန် လိပ်စာအတွက် တခု ၊ အခု လက်ရှိနေရတဲ့ နိုင်ငံအတွက် တခုပါ။

အမျိုးသားအတွက်ကတော့ ရဲစခန်းထောက်ခံစာ ယူခဲ့ရတာ တော်တော်များပါတယ်။ ရန်ကုန်မှာ တခု၊ နယ်မှာ တခု၊ UK၊ China နဲ့ လက်ရှိနိုင်ငံက ရဲစခန်းထောက်ခံစာတွေပါပဲ။

စစချင်း UK အတွက်ကို ONLINE ကနေ လုပ်တာ ဒေါ်လာ ၁၀၀ သာ ပေးခဲ့ရပြီး လွန်ခဲ့တဲ့ နှစ် ၂၀ ကျော်လောက်က UK မှာ ပြစ်မှုကင်းရှင်းကြောင်း ထောက်ခံစာကို ၁ လကျော်ကျော်လောက်ပဲ စောင့်လိုက်ရတယ် လွယ်လွယ်ကူကူ အဆင်ပြေပြေနဲ့ ယူလို့ရခဲ့ပါတယ်။ နောက် China ရဲစခန်းထောက်ခံစာအတွက် လုပ်မယ်ဆိုပြီး စာလိုက်ဖတ်တော့ China မှာက UK လိုမျိုး ONLINE ကနေ လုပ်လို့ရတာမျိုး မရှိပါဘူး။ China ရဲစခန်းထောက်ခံစာလုပ်ဖို့ တရုတ်ပြည်က အေးဂျင့်တခုကို မေးလ်နဲ့ ဆက်သွယ်ပြီး မေးကြည့်တော့ အေးဂျင့်က ရဲစခန်းထောက်ခံစာ လျှောက်ဖို့ လိုအပ်တဲ့ စာရွက်စာတမ်းတွေ တောင်းပါတယ်။ သူတို့ တောင်းတဲ့ စာရွက်တွေက ၁၈ နှစ်ကျော်ကြာခဲ့ပြီဆိုတော့ မရှိတာရော မသိခဲ့တာရောနဲ့ ပေးဖို့ အဆင်မပြေခဲ့ပါဘူး။ အမျိုးသားကလည်း တရုတ်မှာ training အနေနဲ့ အလုပ်လုပ်ခဲ့တာ ဖြစ်ပေမယ့် သူက အဲဒီတုန်းက business visa လိုမျိုးနဲ့ နေခဲ့တာကြောင့် အခွန်ဆောင်ရတာမျိုး မရှိတဲ့အပြင်၊ သူ training အနေနဲ့ အလုပ်လုပ်ခဲ့တဲ့ ရုံးကလည်း နီးစပ်ရာ ရဲစခန်းမှာ (Temporary registration card) သူ့အတွက် လုပ်ပေးခဲ့လား မလုပ်သလား မသိခဲ့ပါဘူး။ Temporary registration card ရှိတယ် ဆိုတာတောင် သူ မသိခဲ့ပါဘူး။ နောက် သူ training အနေနဲ့ အလုပ်လုပ်ခဲ့တဲ့ company က အခု မရှိတော့ပါဘူး။ အဲဒါနဲ့ တရုတ်ပြည် ရဲစခန်းထောက်ခံစာက လိုအပ်တဲ့စာရွက်တွေ မရှိတဲ့အတွက် ပေးလို့မရပါဘူးဆိုပြီး ရိုးရိုး စာ ၂ ကြောင်း ၃ ကြောင်းလောက်သာ ရေးပြီး KCC ကို တင်ခဲ့ပါတယ်။

နောက် ဂျပန်ရဲ့ ရဲစခန်းထောက်ခံစာကတော့ ကိုယ်နေထိုင်တဲ့ နေရာရဲ့ မြို့နယ်ရဲစခန်းလိုမျိုးမှာ သွားတောင်းရတာပါ။ ရဲစခန်းထောက်ခံစာအတွက် ပိုက်ဆံတပြားမှ ပေးစရာမလိုပါဘူး။ ဒါပေမယ့် ဘာကြောင့် ရဲစခန်းထောက်ခံစာ တောင်းရတာလဲဆိုတာကိုတော့ တိတိကျကျ ပြောပြဖို့ လိုအပ်ပါတယ်။ ကျမတို့က US Embassy ကို တင်ဖို့ပါလို့ ပြောတော့ တာဝန်ကျ ရဲမှုးက case number တောင်းပါတယ်။ စစချင်းတော့ သူ ဘာ​ စာရွက်တွေ တောင်းနေမှန်း ကျမတို့ နားမလည်ခဲ့ပါဘူး။ နောက်မှ ဖုန်းထဲမှာ KCC က ပို့ထားတဲ့ email တွေ ပြတော့မှ သူတို့ တောင်းတာက D-260 confirmation page ကို တောင်းတာပါ။ အဲဒါနဲ့ နီးစပ်ရာ 7/11 လိုမျိုးမှာ Print ထုတ်ပေးပြီး ရဲမှူးကို ပေးလိုက်တော့မှ ရဲစခန်းထောက်ခံစာ လုပ်ပေးမယ်ဆိုပြီး လိုအပ်တဲ့ Form ဖြည့်ခိုင်း ပါတယ်။ ပြီးတော့ လက် ၁၀ ချောင်းစလုံးရဲ့ လက်ဗွေ ယူပါတယ်။ ၂ ပတ်ကျော် ၃ ပတ် လောက် စောင့်ရပြီး ရဲစခန်းထောက်ခံစာထည့်ထားတဲ့ ချိတ်ပိတ်ထားတဲ့ စာအိတ်ကို သွားပြန်ယူရပါတယ်။ စာအိတ်ကို လုံး၀ မဖွင့်ရပဲ အဲဒီ စာအိတ်အတိုင်းလေးပဲ scan ဖတ်ပြီး KCC ကို တင်ခဲ့ပါတယ်။

၄။Passport ကတော့ ဓာတ်ပုံ ပါတဲ့ စာမျက်နှာ (Bio Page) တခုကိုပဲ scan ဖတ်ပေးရတာပါ။

စာရွက်စာတမ်းတွေအကုန်လုံးကို image file (jpg) အဖြစ်ပြောင်း၊ပြီးတော့ file size တွေကိုလည်း ပြင်ဆင်ပြီး သူတို့ပြောတဲ့ format အတိုင်း ၄ ယောက်စလုံးအတွက် သေချာ file name ကို ရှင်းရှင်းလင်းလင်း ပေးပြီး ဒီဇင်ဘာ ၂၁ ရက်၊ ၂၀၂၀ နေ့မှာ KCC ကို မေးလ်နဲ့ ပို့ပေးခဲ့ပါတယ်။ အဲဒီအထိက ဘာမှလည်း ခက်ခဲတာမရှိသေးသလို ပိုက်ဆံလည်းအများကြီး မကုန်သေးပါဘူး။ လိုအပ်တဲ့ စာရွက်တွေ ပို့ပေးလိုက်ပြီးတာနဲ့ KCC ကနေ Auto reply mail ပြန်ဝင်လာပါတယ်။

စာရွက်တွေ ပို့ပေးလိုက်ပြီး ၂၀၂၁ ခုနှစ် မတ်လလောက်အထိ ဘာမှ အကြောင်း မထူးတာနဲ့ မတ်လ ၁၅ ရက်၊၂၀၂၁ မှာ KCC ကို follow up mail ပို့ပြီး မေးခဲ့ပါတယ်။ မတ်လ ၂၃ ရက် ၂၀၂၁ မှာ processing လုပ်နေတယ်ဆိုတာလောက်ပဲ KCC ကနေ စာပြန်လာပြီး အဲဒီနောက်ပိုင်း KCC ကို စာပို့ပြီး ဘာမှ မမေးဖြစ်တော့ပါဘူး။

မေလ ၁၂ ရက်၊ ၂၀၂၁ ခုနှစ်မှာ ကျမပို့ပေးလိုက်တဲ့ စာရွက်စာတမ်းတွေ လက်ခံရရှိပါတယ်ဆိုတဲ့ (Documents Reveived) မေးလ် ရခဲ့ပါတယ်။ အဲဒီအချိန်အထိ ၂၀၂၁ ခုနှစ် DV ပေါက်တဲ့သူတွေ အင်တာဗျူး မစ သေးဘူးလို့ ထင်ပါတယ်။ နောက်ပြီး ကျမရဲ့ case number ကလည်း 11xxx ကျော်မို့ အင်တာဗျူးခေါ်တဲ့အဆင့်ထိ ရောက်လာဖို့ရာ သိပ်တော့ အားမရှိလှပါဘူး။

ဒီလိုနဲ့ ဩဂုတ်လ ရောက်လာတော့ ကျမစိတ်ထဲမှာ ၂၀၂၁ ခုနှစ် DV progam ကလည်း ပြီးခါနီးနေပြီမို့ အင်တာဗျူး ဒိတ် ရတော့မယ်လည်း မထင်ထားတော့ပါဘူး။ ၂၀၂၁ အတွက် DV ပေါက်သာ ပေါက်ခဲ့ပြီး မသွားရလောက်ဘူးလို့ စိတ်ထဲကနေ တွေးထားခဲ့မိပါတယ်။

ဩဂုတ် ၃ ရက် ၂၀၂၁ ရောက်တော့ noreply ဆိုပြီး mail တစောင်ဝင်လာပါတယ်။ မေးလ်ကို သေချာ ကြည့်တော့မှ title က Required Entry Status Check for DV Submission ဆိုပြီး interview date ပေးတဲ့ စာဖြစ်နေပါတယ်။ သံရုံးကပေးလိုက်တဲ့ interview date က ဩဂုတ်လ ၁၉ ရက် ၂၀၂၁ ခုနှစ်၊ မနက် ၈ နာရီ ၁၅ မိနစ် ပါ။

ဩဂုတ်လ ၄ ရက်နေ့မှာတော့ တိုကျို US Embassy ကနေ ကျမဆီကို တိုက်ရိုက် မေးလ်နဲ့ ဆက်သွယ်ပြီး အင်တာဗျူး ရက်ကို ထပ်ပြီး အကြောင်း ကြားလာပါတယ်။ နောက်ပြီး လိုအပ်တဲ့ စာရွက် မူရင်းတွေကို အင်တာဗျူးရက် မတိုင်ခင် ကြိုပို့ပေးထားဖို့ ပြောပါတယ်။ သံရုံးက တောင်းတဲ့ စာရွက်စာတမ်းတွေက မိသားစု ၄ ယောက်စာအတွက်..

၁။မွေးစာရင်း (မူရင်း)

၂။လက်ထပ်စာချုပ် (မူရင်း)

၃။အရင် ပတ်စပို့ စာအုပ် အဟောင်းတွေ အကုန်လုံး

၄။ဒီနိုင်ငံရဲ့ residence card

၅။ကျမအတွက်တော့ ဘာကြောင့် ဂျပန်ကို လာရသလဲ ဆိုတဲ့ Essay လိုမျိုးစာ (Statement explaining what brought you to Japan)

၆။ဓာတ်ပုံ ၂ ပုံစီ

၇။လက်ရှိ ပတ်စပို့ Bio page (ဓာတ်ပုံပါတဲ့ စာမျက်နှာ)

၈။DV - 260 confirmation page

၉။Additional form က လူကြီး ၂ ယောက်အတွက်ဖြည့်ပေးရပါတယ်။

Additional form ကတော့ တခြားမဟုတ်ပါဘူး။ စစ်ဘက်ဆိုင်ရာ နဲ့ ကြံ့ဖွတ်ပါတီ၊ စစ်တပ်ပိုင် စီးပွားရေး လုပ်ငန်းတွေမှာ ရာထူး ကြီးကြီး အတူနေတဲ့ မိသားစုဝင် ရှိမရှိ ဖြည့်ခိုင်းတာပါ။ ကျမတို့ကတော့ ဘယ်သူမှ မရှိကြောင်းကို မှန်မှန်ကန်ကန် ပျော်ပျော်ရွှင်ရွှင်ပဲ ဖြည့်ပေးလိုက်ပါတယ်။


အပေါ်က စာရွက်တွေ အကုန်လုံးကို စာတိုက်ကနေ registered mail (letter pack) နဲ့ တိုကျို US သံရုံးကို ဩဂုတ်လ ၆ ရက် ၂၀၂၁ မှာ ပို့ပေးခဲ့ပါတယ်။ ဩဂုတ်လ ၉ ရက် ၂၀၂၁ မှာ သံရုံးက မွေးစာရင်း နဲ့ လက်ထပ်စာချုပ်က မူရင်းတွေပဲပါလာတာမို့ နိုတြီဘာသာပြန်တွေ email attachedment နဲ့ ထပ်ပို့ပေးပါဆိုတာနဲ့ email ကနေ တဆင့်ပို့ပေးခဲ့ပါတယ်။ အဲဒီစာရွက်တွေနဲ့ အတူ ထပ်တောင်းတာက အမြင့်ဆုံး ပညာအရည်အချင်း အထောက်အထားပါ။ အဲဒါနဲ့ ကျမတို့ ၂ ယောက်ရဲ့ ဘွဲ့လက်မှတ်တွေကို scan ဖတ်ပြီး မေးလ်နဲ့ပဲ ထပ်ပို့ ပေးခဲ့ပါတယ်။ ဘွဲ့လက်မှတ်တွေမှာက အင်္ဂလိပ်လို ဘာသာပြန်ပြီးသားမို့ ဒီအတိုင်း scan ဖတ်ပြီးပဲ ပို့ပေးလိုက်တာပါ။ တကယ်လို့ အင်္ဂလိပ်လိုရေးထားတာ မပါရင်တော့ နိုတြီဘာသာပြန်တာတွေ လုပ်ဖို့ လိုအပ်ပါတယ်။ ဩဂုတ်လ ၁၀ ရက် ၂၀၂၁ မှာ သံရုံးကနေ စာထပ်ပို့လာပါတယ်။ လိုအပ်တဲ့ စာရွက်စာတမ်းတွေ အကုန်စုံနေပြီ ဖြစ်တဲ့အတွက် အင်တာဗျူး နေ့မှာ မူရင်းစာရွက်တွေ ယူလာခဲ့ဖို့နဲ့ နောက်တစ်ခု ထပ်တောင်းတာက Financial evidences ပြဖို့ စာထပ်ရောက်လာပါတယ်။ အဲဒါနဲ့ ကျမလည်း Financial evidences ဆိုတာ ဘဏ် စာအုပ်ကို ပြရမှာလားလို့ မေးတော့ ဘဏ်စာအုပ် ပြရင်လည်း ရတယ်ဆိုပြီး စာပြန်လာပါတယ်။ အဲဒီအချိန်အထိ ကျမတို့ မိသားစု အားလုံး ဆေးမစစ်ရသေးပါဘူး။

အောက်တိုဘာ ၃ ရက်၊ ၂၀၂၁။

ၾကည့္မိတဲ့ သတင္း (၄-၃-၂၀၁၁)

အုိဆာကာကုိ ေရာက္လာျပီး ၁ ႏွစ္ေက်ာ္ေက်ာ္ေလာက္အထိ က်မတုိ႔ အိမ္မွာ တီဗြီ မရွိပါဘူး။ သူေရာ က်မပါ ကြန္ပ်ဴတာ တစ္ေယာက္ တစ္လုံးနဲ႔ပဲ ေနျဖစ္ခဲ့တာ။ အဲဒီတုန္းက ေတြးမိတာကေတာ့ တီဗြီမရွိလည္း ေနလုိ႔ျဖစ္တယ္ေပါ့။ ေနာက္ပုိင္း တီဗြီ ၀ယ္ျပီးေတာ့လည္း ပိတ္ထားျဖစ္တဲ့ အခ်ိန္က ပုိ မ်ားပါတယ္။ ရုံးဖြင့္ရက္ဆုိရင္ ရုံးက ျပန္လာျပီး ထမင္းစားရင္း ခဏတျဖဳတ္ေလာက္ပဲ ၾကည့္ျဖစ္တာ။ တီဗြီကေန ဘာအစီအစဥ္ေတြ လာတတ္လဲ ဆုိတာေတာင္ ေသခ်ာ မသိခဲ့ဘူး။ တစ္ခါတေလမ်ား တျခားဂ်ပန္ေတြနဲ႔ စကားစျမည္ ေျပာျဖစ္လုိ႔ ဘယ္ တီဗြီ အစီအစဥ္ေတြ ၾကိဳက္လဲ၊ ၾကည့္ျဖစ္လဲလို႔ ေမးရင္ မေျဖတတ္ဘူး။

တကယ္တမ္းေျပာရရင္ ဂ်ပန္ကလႊင့္တဲ့ အစီအစဥ္ေတြထဲမွာ အလကား ၾကည့္လုိ႔ရတဲ့ channel ေတြက စိတ္၀င္စားဖုိ႔ မေကာင္းလွပါဘူး။ အဂၤလိပ္လို အစီအစဥ္ တစ္ခုမွ မရဘူး။ ေနာက္ေတာ့ က်မတုိ႔ ေနတဲ့ တုိက္ မွာ J-com company က 0 yen campaign ဆုိျပီး cable line လာတပ္ေပးတယ္။ အခန္းတုိင္း အလကား လာတပ္ေပးတာဆုိေတာ့ အပ်င္းေျပ ၾကည့္စရာ channel ေတြ ပုိမ်ားလာတာေပါ့။ အဲဒီေတာ့မွ CNN Japan, Fox, Disney Cartoon, Discovery Japan စတဲ့ လုိင္းေတြနဲ႔ movie နည္းနည္း ပါးပါး ၾကည့္လုိ႔ရလာတာ။

သမီးေလး ေမြးျပီးတဲ့ ေနာက္ပုိင္းေတာ့ အိမ္မွာပဲ ေနျဖစ္တာမ်ားတာနဲ႔ တီဗြီ ၾကည့္ျဖစ္သြားတယ္။ ဘယ္အခ်ိန္မွာ ဘယ္လုိ အစီအစဥ္ေတြ လာတတ္လဲဆုိတာပါ တျဖည္းျဖည္း သိလာေတာ့ ကုိယ္ၾကိဳက္ႏွစ္သက္မိတဲ့ အစီအစဥ္ေလးေတြဆုိ တကူးတကကုိ ေစာင့္ၾကည့္ျဖစ္တာမ်ိဳး ျဖစ္လာတာေပါ့။ အမ်ားဆုံး ၾကည့္ျဖစ္တာက ခရီးသြားတဲ့ အေၾကာင္း (ဂ်ပန္ျပည္တြင္းေရာ တျခားႏုိင္ငံေတြ အေၾကာင္းျပတာမုိ႔ မေရာက္ဖူးေသးတဲ့ က်မအတြက္ေတာ့ စိတ္၀င္တစားကုိ ၾကည့္ျဖစ္တယ္။)၊ သမီးေလး ၾကိဳက္တဲ့ NHK က ျပတဲ့ ကေလးအစီအစဥ္၊ ဟင္းခ်က္တဲ့ အစီအစဥ္ နဲ႔ ဂ်ပန္က celebrities ေတြရဲ႕ အတင္းပေဒသာ ေတြကုိ အမ်ားဆုံး ၾကည့္ျဖစ္တာေပါ့။

အဓိက ေျပာခ်င္တာက ဒီက သတင္းေတြအေၾကာင္းပါ။ ဒီမွာက Hot ျဖစ္တဲ့သတင္းတစ္ခုကုိ တီဗြီလုိင္းတုိင္း လုိလုိက ျပတာမုိ႔ မသိခ်င္လည္း သိေနရတာပါပဲ။ ဘယ္လုိင္းပဲ ေျပာင္းၾကည့္ၾကည့္ သတင္းဆုိတာနဲ႔ လက္တေလာ Hot ျဖစ္တဲ့ သတင္းနဲ႔ စတာ။ ဒါေၾကာင့္ ေန႔လည္ဘက္ မၾကည့္မိလုိ႔ မသိလိုက္ရင္လည္း ညဘက္သတင္းမွာ ျပန္ျပတတ္ပါတယ္။ အဲဒီလုိမွ မသိေသးရင္လည္း ပိတ္ရက္မွာ တပတ္အတြင္း သတင္း လုိမ်ိဳး အားလုံးစုျပီး ျပန္ျပတတ္တယ္။ က်မအတြက္ေတာ့ သတင္းၾကည့္တယ္သာ ေျပာတာပါ၊ ကုိယ္က ဂ်ပန္စကား လည္လည္၀ယ္၀ယ္ နားလည္တာ မဟုတ္ေတာ့ သူတုိ႔ေျပာတာကုိ မွန္းသမ္းျပီး ကုိယ္နားလည္ သလုိ ယူဆ လိုက္ရတာပါပဲ။

တစ္ခါတေလေတာ့လည္း သတင္းေတြ ၾကည့္ရင္း "တခ်ိဳ႕ အေၾကာင္းေတြက သိျခင္းထက္ မသိျခင္းက ပုိေကာင္းပါလား" ဆုိျပီး ခပ္ေၾကာင္ေၾကာင္အေတြးေတြ ၀င္လာမိျပန္တယ္။ အခု လက္ရွိ Hot ျဖစ္ေနတဲ့ သတင္းက ၃ ႏွစ္သမီးေလးကုိ အသက္ ၂၀ တကၠသုိလ္ေက်ာင္းသားက သတ္လိုက္တယ္ဆုိတဲ့ သတင္းပါ။ ျပီးခဲ့တဲ့ ေသာၾကာေန႔ ေန႔လည္ေလာက္က တျခား တီဗြီအစီအစဥ္ ၾကည့္ေနရင္း Breaking News လုိမ်ိဳး အေပၚမွာ စာတန္းေတာ့ ထုိးလိုက္ေပမယ့္ က်မ ေသခ်ာ နားမလည္လုိက္ဘူး။ ညဘက္ NHK အဂၤလိပ္ သတင္း နားေထာင္ေတာ့မွ အေၾကာင္းစုံ သိရေတာ့တယ္။

အသတ္ခံရတဲ့ ေကာင္မေလးက မိဘေတြနဲ႔ အတူ super market မွာ ေစ်း၀ယ္ေနရင္း အိမ္သာတက္ခ်င္လုိ႔ တစ္ေယာက္တည္း အိမ္သာထဲကုိ ၀င္သြားတယ္။ မိဘေတြက ျပန္မလာတာ ၾကာေတာ့ အိမ္သာထဲ၀င္ ရွာတာ မေတြ႔ေတာ့ ကေလးေပ်ာက္တယ္လု႔ိပဲ ထင္ေနတာ။ ေနာက္ေတာ့ security camera ကေန ျပန္ ၾကည့္ေတာ့ ကေလးက ၀င္သြားတာပဲ ေတြ႔လိုက္ျပီး ျပန္ထြက္လာတာ မေတြ႔ရဘူး။ အဲဒီ ေကာင္မေလး အိမ္သာ ၀င္သြားျပီး သိပ္မၾကာခင္မွာပဲ လူတစ္ေယာက္ လိုက္၀င္သြားတာ ေတြ႔ရတယ္။ တေအာင့္ၾကာေတာ့ အဲဒီလူ ေက်ာပုိးအိတ္လြယ္ျပီး အိမ္သာကေန ထြက္သြားတယ္ဆုိတာပါ ေတြ႔လိုက္ရတယ္။ အဲဒီေတာ့ ရဲက အဲဒီလူကုိ ဖမ္းျပီး စစ္ေဆးၾကည့္ေတာ့မွ သူက ကေလးကုိ သတ္၊ အေလာင္းကုိ ေက်ာပုိးအိတ္ထဲ ထည့္သယ္သြားျပီး အနီးအနားက ျမစ္ထဲကုိ သြားလႊတ္ပစ္လိုက္ျပီး လက္စ ေဖ်ာက္လိုက္တယ္လုိ႔ ၀န္ခံတယ္။ ေနာက္ျပီး သတ္တဲ့ ေက်ာင္းသားကုိ ေတြ႔လိုက္တဲ့လူတစ္ေယာက္က " သူ႔ကုိၾကည့္ရတာ အရမ္းကုိ ေက်နပ္ပီတိျဖစ္ေနပုံရတယ္။ သူ႔မ်က္ႏွာ အဲဒီေလာက္ ျပံဳးေပ်ာ္ေနတာမ်ိဳး တစ္ခါမွ မေတြ႔ဖူးဘူး" ဆုိျပီး ျပန္ေျပာျပတယ္။ ကေလး အေလာင္းကုိလည္း လႊင့္ပစ္ခဲ့တဲ့ျမစ္ထဲမွာ ျပန္ရွာေတြ႔တယ္။

အဲဒီ သတင္းၾကည့္ျပီးေတာ့ က်မ စိတ္ထဲ မတင္မက်နဲ႔။ အခုလုိ သတင္းမ်ိဳးေတြ ၾကည့္ျပီးသြားရင္ ဘယ္သူ႔ကုိ ေဒါသထြက္ရမလဲ၊ အျပစ္တင္ရမလဲဆုိတာ စဥ္းစားမရဘူး။ ဒီကေလးနဲ႔ ေက်ာင္းသားနဲ႔ ဘာရန္ျငိဳး ရန္စမွလည္း မရွိပဲ သတ္သြားတယ္ဆုိတာ ေတာ္ရုံလူ မလုပ္တဲ့အျဖစ္ပဲ။ ဒီအတုိင္းသာဆုိရင္ ေန႔စဥ္သြားလာေနရတဲ့ လူေနမႈဘ၀မွာ ကုိယ္ နဲ႔ကိုယ့္မိသားစု အတြက္ အႏၲရာယ္ ဆုိတာ လက္တကမ္းမွာ ရွိေနတာေပါ့။ တစ္ေယာက္တစ္မ်ိဳး သြားလာ ေနရတဲ့ ပတ္၀န္းက်င္မွာ ကံအေၾကာင္းမလွလုိ႔ အဲဒီလုိ အရူးမ်ိဳးနဲ႔ သာေတြ႔မိရင္ ဘ၀က မေတြးရဲစရာပဲ။ ဟုိေတြး ဒီေတြး ေတြးစရာေတြ အမ်ားၾကီးနဲ႔ ေနာက္ေတာ့ စိတ္ရႈတ္ေထြးလာေရာ။ တခ်ိဳ႕ကေတာ့ သတ္တဲ့သူရဲ႕ အျပစ္ထက္ ကုိယ့္ကေလးကုိ ပစ္ထားတဲ့ မိဘေတြ အျပစ္လုိ႔ ေျပာၾက ေ၀ဖန္ၾကတယ္။ ဘယ္သူ အျပစ္ရွိလဲဆုိတာ ခဏထားပါဦး။

အေၾကာင္းစပ္မိလုိ႔ ေျပာရရင္ က်မတုိ႔ အိမ္နားမွာ super market တစ္ခုရွိတယ္။ အဲဒီမွာ တခ်ိဳ႕ကေလးေတြ ေရဘူးၾကီး (၃.၅ လီတာ) ကုိ ဆြဲျပီး မႏုိင္မနင္းနဲ႔ ေရလာထည့္တာ၊ အိမ္နား၀န္းက်င္မွာကေလးေတြ စက္ဘီး ကုိယ္စီနဲ႔ ဖုန္းကုိ လည္ပင္းဆြဲျပီး ေလွ်ာက္သြားေနတာ၊ ေက်ာင္းက အျပန္ တစ္ေယာက္တည္း ငုိက္စိုက္ ငိုက္စုိက္ ျပန္လာတတ္တာေတြ က်မ ေန႔စဥ္နဲ႔အမွ် ျမင္ေတြ႔ေနရတယ္။ အလြန္ဆုံးရွိရင္ အဲဒီကေလးေတြက မူလတန္းေက်ာင္းသား အရြယ္ေလးေတြပါ။ အဲဒီထက္ေတာင္ ငယ္ႏုိင္ပါေသးတယ္။ မိဘေတြ အလုပ္သြားတဲ့အခ်ိန္မွာ ကေလးကုိ အိမ္ေသာ့တစ္ေခ်ာင္းေပးထားျပီး ကေလးက အိမ္ကုိ ကုိယ့္ဘာသာကုိယ္ ၀င္ထြက္ေနရတာ။ ကေလးေတြ ကုိ မိဘေတြက ကုိယ့္ကုိကုိယ္ confidence ရွိလာေအာင္ တစ္ေယာက္တည္း ေစ်း၀ယ္ထြက္ခုိင္းတာမ်ိဳး၊ တစ္ခုခု လုပ္ခုိင္းတာမ်ိဳး၊ ဘယ္အရာမဆုိ မရ ရေအာင္ လုပ္ရမယ္ သြားကုိ သြားရဲ ရမယ္ ဆုိျပီး ကေလးကုိ စိတ္ဓာတ္ ျမင့္တင္ျပီး ေလ့က်င့္ေပးထားတာ။ ဒါေတြကုိ မေကာင္းဘူးလုိ႔ ေျပာရမလား၊ ေကာင္းတယ္လုိ႔ ေျပာရမလား ဆုိတာ အခုလုိ သတင္းမ်ိဳးေတြ ၾကားရေတာ့ က်မစိတ္ထဲမွာ ဇေ၀ဇ၀ါ ျဖစ္မိတာ အမွန္ပဲ။ ကုိယ့္ကေလးကုိေရာ ဘယ္လုိ ပုံစံနဲ႔ ၾကီးျပင္းလာေအာင္ ျပဳစုေစာင့္ေရွာက္ရမလဲ ဆုိတာ မေတြးတတ္ေတာ့ဘူး။ အခုအျဖစ္ကလည္း အတူတူပဲေပ့ါ။ ကေလးက အိမ္သာ သြားတာကုိ မိဘေတြက တစ္ေယာက္လည္း လႊတ္လိုက္တာ သူတုိ႔အေနနဲ႔ေတာ့ ဒီနားေလးကုိ လိုက္ေပးစရာ မလုိဘူးလုိ႔ ထင္မွာပဲ။ အဲဒီေတာ့ အဲဒါ မိဘေတြ အျပစ္လုိ႔ ေျပာမလား။

အခုလုိ ဘုမသိ ဘာမသိနဲ႔ စိတ္ကူးေပါက္သလုိ ေလွ်ာက္သတ္တဲ့ အမႈေတြ ဒီေရာက္ကတည္းက ၾကိဳၾကား ၾကိဳၾကား ၾကားေနရတယ္။ စိတ္ဖိစိမႈမ်ားလုိ႔ စိတ္ထြက္ေပါက္အေနနဲ႔ သတ္ခ်င္တယ္ဆုိလည္း ကုိယ့္ဘာသာကုိယ္ သတ္ေသေပါ့။ အခုေတာ့ ဘာမွ အျပစ္မရွိတဲ့သူေတြက အလကားေနရင္း အသတ္ခံေနရတယ္။ ဆက္ႏြယ္ေနတဲ့ မိသားစု၀င္ေတြရဲ႕ စိတ္ထဲမွာေရာ ဘယ္ေလာက္ ခံစားရမလဲ၊ ေၾကကြဲေနၾကမလဲ၊ ဘာနဲ႔မွ လဲယူလုိ႔မရတဲ့ ဆုံးရႈံးမႈတစ္ခုပဲေလ။ လူတစ္ေယာက္လုံး ေသသြားမွေတာ့ ဘာနဲ႔မ်ား အေလ်ာ္အစား လုပ္လုိ႔ရဦးမွာလဲ။ အခု ကေလးေလး ဆုိလည္း ၾကည့္ပါဦး။ လူ႔ေလာကထဲ ေရာက္လာတာမွ ၃ ႏွစ္ပဲ ရွိေသးတယ္။ ဒီအရြယ္ေလးက တကယ္ကုိ ခ်စ္ဖုိ႔ေကာင္းတဲ့ အရြယ္မုိ႔ သူ႔ မိဘ ညီအကုိ ေမာင္ႏွမေတြ ငုိေၾကြးေၾကကြဲေနမွာကုိ ကုိယ္ခ်င္းစာလုိ႔ရတယ္။ အဲဒီ ကေလးေနရာမွာ "ကုိယ့္သားသမီးဆုိရင္" ဆုိတဲ့ အေတြးမ်ိဳး ေတြးေတာင္ မေတြးရဲဘူး။ ေသတဲ့သူကလည္း ေသသြားျပီ၊ တရားခံကလည္း ထုိက္သင့္တဲ့ အျပစ္ဒဏ္ၾကခံ၊ ဒါနဲ႔ပဲ ျပီးသြားေတာ့မွာလား။ ေနာင္ ဒီလုိ အမႈမ်ိဳးေတြ ထပ္မျဖစ္ဘူးလုိ႔ေရာ ဘယ္သူက အာမခံႏုိင္မွာတဲ့လဲ။

အေကာင္းဆုံးက "ဒီေန႔ကစျပီး သြားေလရာ လာေလရာမွာ က်မတုိ႔ မိသားစု အဲဒီလို လူမ်ိဳးေတြနဲ႔ ဆန္႔က်င္ဘက္ေနရာမွာ အျမဲေရာက္ေနရပါလုိ၏" လုိ႔ ဘုရားမွာ ဆုေတာင္းေနယုံမွ တပါး တျခား ဘာမ်ား တတ္ႏုိင္ပါဦးမလဲ…

မွတ္ခ်က္။ အခု လူသတ္မႈ သတင္းက က်မ နားလည္သလုိ ေရးထားတာမုိ႔ အေသးစိတ္ အခ်က္အလက္ေတြမွာ အနည္းငယ္ လြဲမွားႏုိင္ပါတယ္။

မတ်လ ၁၀၊ ၂၀၁၁

သမီးေလး ၁ ႏွစ္ျပည့္ ေမြးေန႔အလွဴ

ဒီလ ၁၇ ရက္ေန႔က သမီးေလး ၁ ႏွစ္ျပည့္ပါတယ္။ ၁ ႏွစ္ျပည့္ အတြက္ ေမြးေန႔အလွဴကုိ စစ္ကုိင္းေတာင္ရုိး ဆြမ္းေလာင္းအသင္းမွာပဲ အလွဴလုပ္ေပးျဖစ္ခဲ့တယ္။ သမီးေလး ၁ လ ျပည့္တုန္းကလည္း အဲဒီမွာပဲ ဘုန္းၾကီးေတြကုိ ေန႔ဆြမ္း ကပ္လွဴခဲ့ဖူးပါတယ္။ အခုတစ္ခါကေတာ့ ဘုန္းၾကီးေတြေရာ သီလရွင္ေတြပါ လွဴျဖစ္ခဲ့တာမုိ႔ အတုိင္းမသိ ၾကည္ႏူး ၀မ္းသာရတယ္။ အလွဴနဲ႔ ပတ္သက္တဲ့ ဓာတ္ပုံေတြကုိေတာ့ စစ္ကုိင္းေတာင္ရုိး ဆြမ္းေလာင္းအသင္းမွာေရာ မမ၀ါရဲ႕ blog မွာပါ တင္ထားပါတယ္။

ေမြးေန႔ ဆုေတာင္းစကား တခ်ိဳ႕ကုိ blog မွာ အမွတ္တရအျဖစ္ ကူးယူထားလိုက္ပါတယ္။

ဆြမး္ေလာင္းအသင္းရဲ႕ ေမြးေန႔ ဆုေတာင္းပါ..
သမီးေလး အိျမတ္မြန္ ေမြးေန႔မွ စ၍ စိတ္ခ်မ္းသာ၊ ကိုယ္က်န္းမာစြာျဖင့္ မိဘ ေက်းဇူးသိတတ္ေသာ သမီးရတနာေလး ျဖစ္ပါေစလုိ႔ သံဃာမ်ားႏွင့္ သီလရွင္မ်ား ကိုယ္စား ဆြမ္းေလာင္းအသင္းမွ ဆုေတာင္းေမတၱာ ပို႔သလို္က္ပါတယ္။

အန္တီ၀ါရဲ႕ ေမြးေန႔ ဆုေတာင္း..
စံ+နုနု(မနုစံ-ဂ်ပန္)တို႔၏ တစ္ဦးတည္းေသာ ခ်စ္သမီးေလး အိျမတ္မြန္၏ (၁)နွစ္ျပည္႔ေမြးေန႔မွသည္ ခ်စ္ေသာေဖေဖ ေမေမတို႔နဲ႔အတူ က်န္းမာ ေပ်ာ္ရႊင္စြာျဖင္႔ ေမြးေန႔ေပါင္း နွစ္၁၀၀တိုင္ေအာင္ က်င္းပနိုင္ျပီး ထူးခၽြန္ထက္ျမက္ လိမၼာေသာ သမီးရတနာေလးတစ္ဦး ျဖစ္ပါေစလို႔ အန္တီ၀ါ မွ ဆုေတာင္းေပးလိုက္ပါတယ္။

အန္တီသက္ေ၀ရဲ႕ ေမြးေန႔ ဆုေတာင္း..
သမီးေလးေမြးေန႔အတြက္ လာဆုေတာင္းပါတယ္...
က်န္းမာ ခ်မ္းသာၿပီး အသိဥာဏ္ပညာမ်ား ထူးခြ်န္ထက္ျမက္တဲ့ သမီးေလးတေယာက္ျဖစ္ပါေစလို႔...

ဦးဦး Andy ရဲ႕ ေမြးေန႔ ဆုေတာင္း..
Happy Birthday, Ei Myat Mon.
(Kids wouldn’t know whether or how their first ever Birthday was celebrated. But we do know for the rest of our live.)

အန္တီ သက္နႏၵာရဲ႕ ေမြးေန႔ဆုေတာင္း သီခ်င္းေလးပါ..
♫ ♪ ♫ ♪....Happy Birthday to you...! ♫ ♪ ♫ ♪........Happy Birthday to you...! ♫ ♪ ♫ ♪........Happy Birthday Dear. Ei Myat Mon ...! ♫ ♪ ♫ ♪........Happy Birthday to you...♫ ♪ ♫ ♪....!

အန္တီ၀ါ၀ါမြန္ ရဲ႕ ေမြးေန႔ဆုေတာင္းပါ..
Happy Birthday Ei Myat lay yay...D birthday hma sa lo mam mam tway a myar kyee sarr Naing par say shin :)
သမီးေလး ထမင္းမစားရင္ စိတ္ညစ္ရလုိ႔ ထမင္းမ်ားမ်ားစားဖုိ႔ ဆုေတာင္းေပးထားတာ. :)

အန္တီမုိးခ်ိဳသင္း ရဲ႕ ေမြးေန႔ ဆုေတာင္းပါ..
သမီးေလး ကံေကာင္းတယ္။ ဒီအေဖ ဒီအေမက တုန္ေနေအာင္ ခ်စ္ၾကတာ သမီးေလးၾကီးလာတဲ႔ တေန႔ ေက်းဇူးတင္လိမ္႔မယ္။ Happy Birthday ပါ သမီးေရ..

သမီးေလး ေမြးေန႔အတြက္ ဖုန္း၊ Email အျပင္ FaceBook မွာပါ ဆုေတာင္းေပးၾကတဲ့ သူငယ္ခ်င္းေတြ အားလုံးကုိ ေက်းဇူးအထူးတင္ပါတယ္။ 'ေပးတဲ့ဆုနဲ႔ ျပည့္ပါေစ'လုိ႔ ပါပါးနဲ႔ ေမေမက ထပ္ျပီး ဆုေတာင္းပါတယ္။

ဇန္န၀ါရီ ၁၈၊ ၂၀၁၁။