၂၀၁၀ ခုနှစ် အတွက် ပထမဆုံးပို့စ်ကို သမီး ၁ လပြည့်အလှူနဲ့ စ ပြီး ဖွင့်လိုက်ပါရစေ..
ဒီနှစ် ဇန်န၀ါရီလ ၁၇ ရက်နေ့မှာ သမီးလေးကို မွေးခဲ့တာဆိုတော့ အခု ဖေဖေါ်ဝါရီ ၁၇ ရက်နေ့မှာ သမီးလေး ၁ လ ပြည့်ပါတယ်။ ၁ လ ပြည့်တဲ့နေ့မှာ ထွေထွေ ထူးထူး မလုပ်ပေးဖြစ်ပါဘူး။ အမှန်တော့ ဖြစ်နိုင်မယ်ဆိုရင် အိမ်မှာ ဘုန်းကြီးဆွမ်းလေး ဘာလေး ကပ်ချင်တာပါ။ ဒါပေမယ့်လည်း ကျမတို့ သိရသလောက် Osaka မှာ မြန်မာဘုန်းကြီးကျောင်း မရှိတာကြောင့် ကိုယ်တိုင် ကိုယ်ကျ ဘုန်းကြီး ဆွမ်းကပ် ဖို့က မဖြစ်နိုင်ပါဘူး။ ဒါကြောင့် စစ်ကိုင်းတောင်ရိုး ဆွမ်းလောင်းအသင်းမှာ မွေးနေ့အတွက် နေ့ဆွမ်းကပ်လှူဖို့ မ၀ါဝါခိုင်မင်းဆီ အကူအညီတောင်းခဲ့ရပါတယ်။ မ၀ါဝါခိုင်မင်းဆီကို နေ့ဆွမ်းအတွက် ငွေလွှဲ ပြီးတော့မှ အမက တဆင့် စစ်ကိုင်းတောင်ရိုး ဆွမ်းလောင်းအသင်းကို ငွေပြန်လွှဲပြီး လှူခဲ့ရတာပါ။ အားလုံးရဲ့ ကျေးဇူးကြောင့် သမီးလေးအတွက် မွေးနေ့အလှူ တစ်ခု လုပ်ခွင့်ရသွားလို့ အရမ်းကို ၀မ်းသာ ပီတိ ဖြစ်ရပါတယ်။ စစ်ကိုင်းတောင်ရိုး ဆွမ်းလောင်းအသင်းရဲ့ Blog မှာလည်း ဆွမ်းအလှူအတွက် ဓာတ်ပုံတွေ တင်ထားတာမို့ ပုံတွေ ကြည့်ရင်း ကြည်နူးရတယ်။
ဒီအလှူဖြစ်မြောက်ဖို့အတွက် အမ မ၀ါဝါခိုင်မင်း၊ စစ်ကိုင်းတောင်ရိုး ဆွမ်းလောင်းအသင်း နဲ့အတူ ဝေယျာဝစ္စကုသိုလ်ရှင်များ ကိုလည်း ကျေးဇူးတင်ပါတယ်။
ဒီအလှူဖြစ်မြောက်ဖို့အတွက် အမ မ၀ါဝါခိုင်မင်း၊ စစ်ကိုင်းတောင်ရိုး ဆွမ်းလောင်းအသင်း နဲ့အတူ ဝေယျာဝစ္စကုသိုလ်ရှင်များ ကိုလည်း ကျေးဇူးတင်ပါတယ်။
“သမီးလေးမအိမြတ်မွန် မွေးနေ့မှစ၍ စိတ်၏ချမ်းသာခြင်းကိုယ်၏ ကျန်းမာခြင်းအပေါင်းနှင့်ပြည့်စုံလျှက် မိဘကျေးဇူး ဆပ်နိုင်သော သမီးမြတ်ရတနာဖြစ်ပါစေလို့ဆွမ်းလောင်းအသင်းမှ
ဆုမွန်ကောင်းတောင်း လိုက်ပါ တယ်။”
ဆုမွန်ကောင်းတောင်း လိုက်ပါ တယ်။”
သမီးလေးအတွက် ဆွမ်းလောင်းအသင်းက ဆုတောင်းပေးထားတာလေးပါ။ အမှတ်တရအနေနဲ့ ကူးယူထားလိုက်ပါတယ်။ “ပေးတဲ့ဆုနဲ့ ပြည့်ပါရစေ” လို့လည်း ထပ်ဆင့် ဆုတောင်းပါတယ်။
*****
အခုလို လှူဒါန်းရတဲ့ ကုသိုလ်ကောင်းမှုအစုစုတို့ကို ၃၁ ဘုံမှာ ကျင်လည်ကျကုန်သော ဝေနေယျ သတ္တ၀ါ အားလုံးကို အမျှပေးဝေပါတယ်။ အားလုံး ကြား ကြားသမျှ အမျှ.. အမျှ.. အမျှ ယူတော် မူကြပါကုန်လော့။
သာဓု.. သာဓု... သာဓု
မွေးနေ့အလှူအကြောင်းကို စစ်ကိုင်းတောင်ရိုးဆွမ်းလောင်းအသင်း Blog မှာ ကြည့်လို့ရပါတယ်။
ဖေဖေါ်ဝါရီ ၁၇၊ ၂၀၁၀။
