March 24, 2009

Flower Arrangement - Mar 19, 2009

အခုလ ၁၉ ရက်နေ့တုန်းက ရုံးမှာ ပန်းအလှပြင်ပွဲ တစ်ခါ ထပ်လုပ်ပါတယ်။ ရုံးအနေနဲ့ဆို ၂၉ ကြိမ်မြောက် ဖြစ်ပြီး ၂၀၀၉ ခုနှစ်အတွက် ပထမဆုံး ပန်း အလှပြင်တာလို့လည်း ပြောလို့ရတာပေါ့။ ဒီတစ်ခေါက် ပန်းအိုးထိုးတာက Easter အတွက် ရည်ရွယ်ပြီး ပန်းပြင်ကြတာ။ ပါဝင်တဲ့ ပန်းတွေက ပုံမှာ ပြထားသလိုပါပဲ။ အင်္ဂလိပ်လို ပန်းနာမည်တွေမို့ မြန်မာလို ဘယ်လို ခေါ်မှန်းလည်း မသိပါဘူး။ အခုတစ်ခါ ပန်းပြင်တာက အ၀ါရောင်ပန်းတွေကို အဓိက ထားပြီး ဘေးကနေ သစ်ရွက် အစိမ်းတွေကို ရံပြီး ထိုးရတာ။

Ranunculus - ラナンキュラス
Sweet Pea -スイートピー
Pittosporum tenuifolium - ピットスポルム
Marigold - マリーゴールド
Marguerite -マーガレット
Nigella - ニゲラ
Spiraea cantoniensis -コデマリ
ငှက်ရုပ် - 鳥ピック


ပန်းပြင်ဖို့အတွက် ပါဝင်တဲ့ ပန်းနဲ့ ပစ္စည်းတွေပါ။

စစချင်း ရေစိမ်ထားတဲ့ အိုအေစစ် ဖော့တုံးကို ပန်းအိုးအလယ်မှာ ထည့်ပါတယ်။ နောက်ပြီး အပေါ်ကနေ ငှက်သိုက်ပုံစံဖြစ်အောင် အုန်းဆံမျှင်လို အမျှင်ဖြူဖြူလေးတွေ တင်ထားလိုက်တယ်။ အဲဒီအပေါ်မှာမှ သစ်ခက်စိမ်းတွေကို ကွေးပြီး ကိုယ်လိုသလို ပုံဖော်ယူရတာပါ။ ကျမတို့ကို သင်ပေးတဲ့ ဆရာမကတော့ သစ်ခက်တွေကို အသည်းပုံလေး ဖြစ်အောင် ပုံဖော်ယူတယ်။ ကျမကတော့ အ၀ိုင်းကွင်းလေး ၃ ခုကို ဆက်နေတဲ့ပုံစံ လုပ်ဖို့ စိတ်ကူးလိုက်ပါတယ်။ အဲဒီအတွက် အရင်ဆုံး သစ်ခက်ကို ကိုယ် လိုသလောက် ဖြတ်ယူလိုက်တယ်။ သစ်ကိုင်းအစ တဖက်ကိုတော့ ဖော့တုံးမှာ အရင် ထိုးစိုက်လိုက်ပါတယ်။ ပြီးမှ အဖျားပိုင်းကို ပြန်ကွေးယူရင်း ပြုတ်မထွက်အောင် နန်းကြိုးကို ကလစ်ပုံစံ လုပ်ပြီး ဖော့ထုံးမှာ ထိုးစိုက်လိုက်ပါတယ်။ အဲဒီလိုမျိုး အ၀ိုင်းလေး ၃ ခု ဖြစ်အောင် လုပ်ယူလိုက်တာပါ။


အဲဒီ အဆင့်ပြီးရင် အပေါ်ကနေ ပန်းတွေကို ကိုယ်ကြိုက်နှစ်သက်သလို ပြင်ယူရတာ။ ကျမ လုပ်ခဲ့တဲ့ ပန်းအိုးက အလယ်မှာ အ၀ါရောင် ပန်းတွေကို အရင် စိုက်တယ်။ ဘေးကနေ ခရမ်းရောင် Sweet Pea လို့ခေါ်တဲ့ ပန်းတွေနဲ့ ရံပြီးထိုးစိုက် ပါတယ်။ အဲဒါတွေ ပြီးပြီဆိုရင် အစိမ်း နဲ့ အဖြူစပ်ကြား သစ်ခက်ကို အခက်သေးလေးတွေ ဖြတ်ပြီး လွတ်နေတဲ့ နေရာမှာ လိုက်ဖြည့်လိုက်တာပါပဲ။ ငှက်ရုပ်လေးကိုတော့ နောက်ဆုံးမှ စိုက်လိုက်တာ။ သဘောကတော့ ငှက်သိုက်ပေါ်မှာ ငှက်ကလေး ရှိတယ်ဆိုတဲ့ ပုံစံမျိုး ပြင်ယူတာပါ။

ဒီတစ်ခါ ပန်းထိုးရတာ အောက်ဆုံးမှာ ငှက်သိုက် လုပ်ထားတဲ့ အမျှင်တွေ ရှိနေတော့ ပန်းထိုး စိုက်လိုက်ရင် ဖော့တုံးကို မထိပဲ ခဏခဏ ပြန်ပြင်ထိုးရတယ်။ အဲဒီတော့ ပန်းခက်တွေ ကျိုးတာပေါ့။ နောက်ပြီး ပန်းတွေ များတော့ လွှင့်ပစ်ရမှာလည်း နှမြောတယ်။ ပန်းတွေလည်း အကုန်လုံး ပါအောင်ဆိုပြီး တဖြည်းဖြည်းချင်း ပြင်ယူတာ နောက်ဆုံး အောက်က ပန်းအိုးလေး ရလာတာပါပဲ။


ဒီပန်းအိုးက ကျမ ပြင်ထားတာပါ။


ဒီပန်းအိုးကတော့ ဆရာမ ပြင်ပေးထားတာ။

မတ်လ ၂၄၊ ၂၀၀၉။

March 20, 2009

မြန်မာစကားနဲ့ ဂျပန်လူမျိုး - ၂

၂၀၀၈ ခုနှစ် နိုဝင်ဘာလတုန်းက မြန်မာစကားနဲ့ ဂျပန်လူမျိုး ဆိုပြီး ပို့စ်ရေးခဲ့ဖူးပါတယ်။ အခု ရေးမှာက အဲဒီပို့စ်ရဲ့ နောက်ဆက်တွဲလို့ ပြောရင်လည်း ရတာပေါ့။ ဒီကြားထဲ ကျမတို့လည်း ကိုယ့်အလုပ်နဲ့ ကိုယ်ရှုတ်နေတာရော၊ ပြီးတော့ မြန်မာစာ သင်တန်းက ကျောင်းသားတွေနဲ့ ဆရာမကြီး အားတဲ့ အချိန် ညှိပြီး စာသင်ကြတာမို့ ပုံမှန် အတန်းချိန်ဆိုတာ မရှိတာကြောင့် ထပ်မရောက်ဖြစ်တော့တာ။ ပြီးခဲ့တဲ့လ ကတော့ ကျောင်းတာဝန်ခံ အန်တီကြီးက “မြန်မာစာ သင်တန်းကို လာခဲ့ပါဦး” လို့ ဖိတ်တာနဲ့ အမျိုးသားနဲ့ နှစ်ယောက်သား နောက်တစ်ကြိမ် ထပ် ရောက်ဖြစ်ခဲ့တယ်။


ကျောင်းရောက်သွားတော့ အရင် ကျောင်းသား ၂ ယောက်ဖြစ်တဲ့ “ကိုမြင့်သန်းမောင်” နဲ့ “မအေးနှင်းအိအိ” အပြင် နောက်ထပ် ဧည့်သည်တစ်ယောက်နဲ့ပါ ထပ်တွေ့ခဲ့ရတယ်။ ဧည့်သည်အဖြစ်လာတဲ့ ဂျပန်မလေးက Osaka University ကနေ မြန်မာစာ အဓိကနဲ့ ဘွဲ့ယူထားတဲ့သူပါ။ မြန်မာ နာမည်က “မနှင်းသက်အေး” လို့ခေါ်ပါတယ်။ မနှင်းသက်အေး လည်း အခု သင်တန်းကျောင်းကို ကျမတို့လိုပဲ မြန်မာစကားပြော လေ့ကျင့်ပေးဖို့ လာခဲ့တာ။ ဒီတစ်ခေါက် သူတို့နဲ့ တွေ့ချိန်မှာ ပြောခဲ့တဲ့ အကြောင်းတွေကို ပြန်ဝေမျှချင်တာကြောင့် ဒီပို့စ်ကို ရေးဖြစ်ပါတယ်။


*****


ကျမတို့ သင်တန်းကျောင်း ရောက်သွားတော့ ညနေ ၃ နာရီလောက် ရှိနေပါပြီ။ ဒီတစ်ခါက သူတို့ စာသင်တာ ဘေးက ၀င်ဖြေပေးရင်း စကားအတူ ပြောပေးရတာ။ နောက်ပြီး မအေးနှင်းအိအိက ၂၀၀၈ ဒီဇင်ဘာလ ကုန်ခါနီးမှာ မြန်မာပြည်ကို အလည် သွားခဲ့တာကြောင့် သူ့ရဲ့ မြန်မာပြည် အတွေ့အကြုံလည်း နားထောင်ရင်းပေါ့။ အဲဒီနေ့ကတော့ မအေးနှင်းအိအိက မြန်မာထမီ ၀တ်ထားပါတယ်။ ထမီ ၀တ်ရတာ နှစ်သက်လို့ မြန်မာပြည်ကနေ ပြန်လာတော့လည်း ထမီ အထည် ၂၀ ထပ်ဝယ်ခဲ့သေးတယ်လို့ ပြောပြတယ်။ ဂျပန်မက ကြိုးနဲ့ ပတ်ထမီ ၀တ်ထားတာများ သေသေသပ်သပ်နဲ့မို့ ကျမတောင် အံ့သြမိပါတယ်။ လူမျိုးခြားက မြန်မာထမီကို မက်မက်မောမော ၀တ်နေပြီး ကိုယ်က မြန်မာ ဖြစ်ရဲ့သားနဲ့ ဂျင်းဘောင်းဘီ ၀တ်ထားတော့ မျက်နှာပူပြီး ရှက်မိတာတော့ အမှန်ပဲ။


နောက်ပြီး မြန်မာစာနဲ့ ဘွဲ့ယူထားတဲ့ မနှင်းသက်အေးနဲ့လည်း စကားပြောဖြစ်ခဲ့တယ်။ သူ့ကို “ဘာဖြစ်လို့ မြန်မာစာ အဓိက နဲ့ ဘွဲ့ယူထားတာလဲ” ဆိုပြီး မေးကြည့်တော့ မြန်မာစာကို သဘောကျလို့ Osaka University မှာ ၅ နှစ်ကြာ သင်ယူခဲ့ကြောင်း၊ မြန်မာပြည်လည်း ၂ ခေါက် ရောက်ဖူးကြောင်း၊ ရှမ်းဘာသာ၊ ရှမ်းစကားနဲ့ စာတမ်း တင်ခဲ့ပြီး ဘွဲ့ယူခဲ့ကြောင်းတွေ ကျမတို့ကို ပြောပြပါတယ်။ မနှင်းသက်အေးက စကားပြောရင် ကျမကို “အမ” လို့ခေါ်ပြီး ပြောတယ်။ ပြီးတော့ “ရန်ကုန်ဘယ်နားမှာနေသလဲ” လို့မေးတော့ ကျမက “အင်းစိန်” မှာပါလို့ဖြေတာကို “စော်ဘွားကြီးကုန်းကားဂိတ်ရှိတဲ့ နေရာမှာလား” တဲ့။ အခု အဝေးပြေးကားဂိတ်က နေရာ ပြောင်းသွားတာလည်း သူသိတယ်။ အမျိုးသားကိုလည်း တောင်ငူကဆိုတော့ “ရန်ကုန်နဲ့ မန္တလေး ကြားက မြို့ မဟုတ်လား” တဲ့လေ။


*****


စာသင်တာ ပြီးသွားတော့ ကိုမြင့်သန်းမောင်က ဆရာမကြီးကို မြန်မာလို ရေးထားတဲ့ အိမ်စာတွေ ပြပြီး အမှတ်ခြစ်ခိုင်းပါတယ်။ သူ ရေးထားတဲ့ အသုံးအနှုန်းတွေ မှားနေရင် ဆရာမကြီးက ပြင်ပေးပြီး အမှန်ကို ရှင်းပြပေးပါတယ်။ ကျမတို့ကတော့ ဘေးကနေ နည်းနည်းပါးပါး ၀င်ဖြေပေးရတာလောက်ပဲ ရှိတာပါ။ အမှန်တော့ ကိုမြင့်သန်းမောင်က မြန်မာစာ အရမ်းရေးတတ်ချင်နေတဲ့သူပါ။ ပြီးတော့ သူ့ဘာသာသူလည်း ဂျပန်လို ရှင်းပြထားတဲ့ မြန်မာစာ စာအုပ်တွေ ရှာပြီး ဖတ်တယ်။ ကိုယ်တိုင်လည်း သိသလောက်ကို စာကြောင်းတိုတိုလေးတွေ ကြိုးစားပြီး ရေးကြည့်တယ်။ ရေးထားတာတွေကို ၀ိုင်းပြင်ပေးရင် သူ့ရဲ့ စာကြိုးစားပုံကို အံ့သြ လေးစားမိတယ်။ သူရေးထားတာကို ဆရာမကြီး ဖတ်ပြတော့ ကျမတို့ ရီချင်တာ မနည်းကို ဘရိတ်အုပ်ရတယ်။ ကျမတို့ ရီချလိုက်ရင် သူရှက်သွားမှာ စိုးလို့ပါ။ နောက်ပြီး သူကြိုးစားပမ်းစား ရေးထားတာကို လှောင်တယ်လို့လည်း ထင်သွားမှာ စိုးပါတယ်။


သူရေးထားတဲ့ တချို့စာကြောင်းတွေကို ဖတ်ကြည့်ပါဦး..
ကျွန်တော် ပိုက်ဆံနည်းနည်း ရှိပါသည်။
ကျွန်တော် ရိုးသားပါသည်။
ကျွန်တော် သဘောကောင်းပါသည်။
ကျွန်တော့်မိတ်ဆွေ သဘောမကောင်းပါ။
အဲဒီလို အသုံးအနှုန်းတွေကို ပုံမှန် စကားအပြောဆိုရင် မသုံးဘူးလို့ပဲ ယေဘုယျ ပြောပြပေးရတယ်။ သူရေးထားတဲ့ ထဲက ကိုယ့်ကိုကိုယ် ချီးမွမ်းတဲ့ စကားမျိုး ၊ ကိုယ့်ဂုဏ် ကိုယ်ဖော်တဲ့ စကားမျိုး သုံးလေ့မရှိဘူး၊ ပြောလေ့မရှိဘူးဆိုတာ အနီးစပ်ဆုံး ဂျပန်လူမျိုးတွေရဲ့ စကားပြောပုံ နဲ့ နှိုင်းယှဉ်ပြရပါတယ်။ နောက်ထပ် ဥပမာ အနေနဲ့ မိန်းကလေး ဆိုရင်လည်း မအေးနှင်းအိအိကို တခြားတစ်ယောက်က “မအေးနှင်းအိအိက လှတယ်နော်” ဆိုပြီး ပြောလို့ရပေမယ့် မအေးနှင်းအိအိ ကိုယ်တိုင်က “ကျမ လှပါတယ်၊ ချောပါတယ်” ဆိုပြီး သုံးရင် လူတွေ ရီစရာ ဖြစ်တယ်ဆိုတဲ့အကြောင်း နားလည်အောင် ဆရာမကြီးက ရှင်းပြပေးပါတယ်။ ဆက်ဖတ်ကြည့်ပါဦး..


ကျွန်တော် ဦးနှောက်ကောင်းပါသည်။
ကျွန်တော့် မိတ်ဆွေ ဦးနှောက် မကောင်းပါ။
မြန်မာစကားမှာ “ဦးနှောက်ကောင်းတယ်၊ ဦးနှောက်မကောင်းဘူး” ဆိုတဲ့ အဓိပ္ပာယ်ဟာ စိတ်ဝေဒနာရှင်တွေကို သုံးတာ ဖြစ်လို့ “ဥာဏ်ကောင်းတယ် ၊ မကောင်းဘူး” လို့ ပြောရတယ်ဆိုပြီး ပြင်ပေးရပါတယ်။ နောက်တစ်ခု သူသုံးထားတာကတော့


ကျွန်တော့် အမေ လူလိမ်ပါ။
ကျွန်တော့် အဖေ ဒေါသကြီးပါသည်။
အဲဒီလိုအသုံးမျိုးကို ဆရာမကြီးက မြန်မာတွေအနဲ့ဆိုရင် ယဉ်ကျေးမှုအရ မသုံးသင့်ဘူးလို့ သင်ပေးပါတယ်။ ဘာဖြစ်လို့လည်းဆိုတော့ အမေ၊ မိဘဆိုတာ သားသမီးကို ကိုးလလွယ် ဆယ်လ ဖွားရတဲ့အပြင် ကိုယ့်မိဘလောက် ဘယ်သူမှ ကိုယ့်အပေါ် မကောင်းနိုင်ဘူး၊ အနွံတာ မခံဘူး ၊ ဒါကြောင့် ဗုဒ္ဓဘာသာတို့ရဲ့ အနန္တော အနန္တ ငါးပါးထဲမှာ မိဘက ပါနေရတယ်ဆိုတဲ့အကြောင်း၊ မိဘက ကောင်းသည်ဖြစ်စေ၊ ဆိုးသည်ဖြစ်စေ၊ ကိုယ်က သိနေသည့်တိုင်အောင် ဘယ်တော့မှ မိဘကို မကောင်းမပြောရဘူး ဆိုတာကို ဆရာမကြီးက ဂျပန်လို နားလည်အောင် ရှင်းပြပေးပါတယ်။ နောက်တစ်ကြောင်းက


ကျွန်တော် နည်းနည်း နှာဗူးပါသည်။
သူ့ကို ဘယ်သူက အဲဒီ စကား သင်ပေးလိုက်တာလည်းတော့ မသိပါဘူး။ မြန်မာစာ ဆရာမကြီးကတော့ “နှာဗူး” ဆိုတဲ့ စကားက အင်မတန် ရင့်သီးပြီး ရိုင်းတဲ့အတွက် မသုံးသင့်ဘူးလို့ ပြောပါတယ်။ အဲဒီလို ပြောတဲ့အတွက် တဖက်သားကို အရှက်ရစေတာမို့ တတ်နိုင်သလောက် မသုံးပါနဲ့ လို့ ရှင်းပြတယ်။


သူရေးထားတာတွေထဲက ကျမ မမှတ်မိပဲ ကျန်နေတာတွေ ရှိပါသေးတယ်။ ရေးထားတဲ့ မြန်မာလက်ရေးကို ဓာတ်ပုံ ရိုက်ယူချင်ပေးမယ့် အားနာလို့ မရိုက်ဖြစ်ခဲ့ပါဘူး။ အဲဒီနေ့က ကျောင်းက ပြန်လာတော့ ကိုမြင့်သန်းမောင် မြန်မာစာ ရေးထားတာကို သဘောကျပြီး အိမ်ပြန်ရောက်မှ အားရ ပါးရ ရီဖြစ်တော့တယ်။ ကျန်တဲ့ မိန်းကလေး ၂ ယောက်ကတော့ စကားကို ဖြေးဖြေးပြောပေးရင် နားလည်ကြပါတယ်။ နောက်ပြီး သူတို့က မြန်မာပြည်ကိုလည်း အလည် ရောက်ဖူးတာမို့ မြန်မာတွေရဲ့ လေယူလေသိမ်းနဲ့ စကားပြောကို ကောင်းကောင်း သိနေပါပြီ။


*****


နိုင်ငံခြားသားတွေ မြန်မာစကား ပြောရင် တလွဲ မှားပြောတတ်တာကို ဆရာကြီး မဟာဆွေ ရဲ့ “စာရေးကြီး” စာအုပ်ထဲမှာ ဖတ်ဖူးတာ သွားသတိရမိတယ်။ “၀မ်းဘဲဥ မှဲ့သလား၊ လိမ္မော်သီး ဖွင့်ပေးပါ၊ ရေခဲ အလွန်ချမ်းသည်၊ ပန်းကန်တွေ ရေချိုးပြီး စားပွဲပေါ် ထိုင်ထား” ဆိုတာတွေ ထက် စာရင်တော့ ကိုမြင့်သန်းမောင်က အခြေအနေ ကောင်းတယ်လို့ ပြောရမှာပဲ။


မြန်မာစာက သင်ပေးရတာလည်း ခက်သလို သင်ယူရတာလည်း ခက်မှာပါ။ ဒါပေမယ့် လူမျိုးခြားက ကြိုးစား ပမ်းစား သင်ယူနေတာကို ကြည့်ပြီး ကြည်နူးမိတယ်။ ပြီးတော့ သူတို့ရဲ့ ကြိုးစား အားထုတ်မှုကိုလည်း အားကျမိတယ်။ မြန်မာစကားဟာ အသုံးအနှုန်း ကျယ်ပြန့်တာကြောင့် လူမျိုးခြား နားလည်အောင် ပြန်ရှင်းပြဖို့ ခက်ခဲတာတွေ အပြင် တချို့ အသုံးအနှုန်းတွေကို နိုင်ငံခြားသားတွေကို မသင်ပေးသင့်ဘူးဆိုတဲ့ သင်ခန်းစာကို အဲဒီနေ့ သင်တန်းကနေ ရလိုက်ပါတယ်။ နောက်ပြီး သူတို့တောင် တို့ လူမျိုးစကား သင်ယူနိုင်တာ သူတို့ လူမျိုးစကားကိုလည်း သင်ယူနိုင်ရမှာပေါ့လို့ ကိုယ့်ကိုကိုယ်လည်း အားပေးနေမိပါတော့တယ်။


မတ်လ ၂၀၊ ၂၀၀၉။

March 18, 2009

ကျမ နဲ့ ဂျပန်စကား

ဘာသာစကားနဲ့ ပတ်သက်ပြီး ကျမက ထိုင်းစာလည်း သင်ဖူးသလို တရုတ်စာလည်း အနည်းအကျဉ်းလောက် သင်ဖူးပါတယ်။ လ အနည်းငယ်လောက်ပဲ သင်ဖြစ်တာမို့ ဖြစ်မြောက်အောင် မတတ်ခဲ့ပါဘူး။ အင်္ဂလိပ်စာ ကတော့ ငယ်ငယ်ကတည်းက ရေးရ ဖတ်ရတာမို့ အလုပ်လုပ်လို့ ရတယ်ဆိုတဲ့ အဆင့်လောက်တော့ ရှိတာပေါ့။ ဂျပန်စာကိုတော့ ပထမတစ်ခေါက် Osaka မလာခင် လ အနည်းငယ်လောက် အလိုမှ ကပ်ပြီး သင်ဖြစ်ခဲ့တာ။


ရန်ကုန်မှာ ဂျပန်စာ စသင်တော့ ရိုမဂျိ (Romaji -
ロマジ) လို့ခေါ်တဲ့ ဂျပန်အသံထွက်ကို အင်္ဂလိပ် စာလုံးနဲ့ ရေးထားတဲ့ စာအုပ်နဲ့ စ သင်ရပါတယ်။ ပြီးတော့ Osaka ရောက်ပြီး ရုံးကနေ ဆရာမ ခေါ်သင်ပေးတော့လည်း ရိုမဂျိ စာလုံးနဲ့ပါပဲ။ အလုပ်ထဲမှာက နိုင်ငံခြားသား မန်နေဂျာ လက်အောက်မှာ လုပ်ရတာမို့ ဂျပန်စကားလည်း ပြောတတ်ဖို့ မလိုခဲ့ပါဘူး။ ဒါကြောင့် ဂျပန်မှာ တစ်နှစ် နေပြီး ရန်ကုန်သာ ပြန်သွားတယ်၊ ဂျပန်စာ ဟိရဂန (Hiragana - ひらがな) နဲ့ ခတခန (Katakana - カタカナ) ကို ကောင်းကောင်း မဖတ်တတ်ခဲ့ဘူး။

*****


အခုတစ်ခေါက် ဂျပန်စာ ပြန်သင်တော့ ရိုမဂျိ ပဲ အလွယ် ဖတ်ချင်တဲ့ စိတ်ကို ဖျောက်ပြီး ဟိရဂန နဲ့ ခတခန စာလုံးတွေကို ဖတ်နိုင်အောင် ကြိုးစားခဲ့ရတယ်။ ဒီအပြင် ဂျပန်စာမှာက ခန်းဂျိ (Kanji - 漢字) လို့ခေါ်တဲ့ တရုတ်စာလုံး လည်း ရှိသေးတာမို့ စောစောက ပြောထားတဲ့ ၂ ခု ဖတ်တတ်ယုံနဲ့ မလုံလောက်သေးပြန်ဘူး။ အဲဒီတော့ ခန်းဂျိ စာလုံးတွေကိုလည်း ကြက် အစာကောက်သလို တဖြည်းဖြည်းချင်း လေ့လာနေရတာ အခုထိပါပဲ။


ဂျပန်စကားမှာလည်း သူဟာနဲ့ သူ ခက်တဲ့ အပိုင်းတွေ ရှိတာပေါ့။ အဓိပ္ပာယ်အတူတူကိုပဲ ကိုယ့်အထက် လူကြီးကို ပြောရင် တစ်မျိုး၊ ကိုယ့်ရဲ့ လက်အောက်ငယ်သားကို ပြောရင်တစ်မျိုး၊ ဈေးရောင်းတဲ့သူက ၀ယ်သူကိုိ ပြောရင် တစ်မျိုး၊ သူငယ်ချင်းအချင်းချင်း ပြောရင် တစ်မျိုး နဲ့ အဓိပ္ပာယ်သာ တူတယ် ပြောတာချင်း မတူတွေ အများကြီးပဲ။ နောက်ပြီး ဂျပန်လူမျိုးတွေလည်း စကားပြောတဲ့အခါမှာ ကိုယ့်ကိုကိုယ် ချီးမွမ်းတဲ့ စကားမျိုး သုံးလေ့ မရှိကြပါဘူး။ ဥပမာ ဆိုပါတော့။ ဂျပန်စာ သင်ယူနေတဲ့ ကျမကို ရုံးက သူငယ်ချင်းတွေက “နုစံ ဂျပန်စကား ပြောနိုင်လာတယ်နော်” လို့ ပြောရင် ကိုယ်က “ဟုတ်တယ်၊ ပြောနိုင်လာတယ်” ဆိုပြီး ပြန်မဖြေရဘူး။ “အဲဒီလောက်လည်း မဟုတ်ပါဘူး၊ ကြိုးစားနေတုန်းပါ” ဆိုတာမျိုး၊ “အဲဒီလောက် မဟုတ်ပါဘူး၊ ထပ်ကြိုးစားရဦးမယ်” ဆိုတာမျိုး ပြန်ဖြေရပါတယ်။


နောက်ပြီး ဂျပန်စာ သင်ယူရင်း ကြုံခဲ့ဖူးတဲ့ အမှားတွေကို ဖောက်သည်ချရဦးမယ်။ ကျမ ဂျပန်စာ သင်ခါစမှာ အသံထွက် ဆင်တူတဲ့ စာလုံးတွေဆိုရင် အဓိပ္ပာယ်တွေ ရောပြီး မှားပြောမိတယ်။ အထူးသဖြင့်- ယာစရှိ (yasashii -
やさしい) ၊ ယာစအိ (yasai - やさい)၊ ယာစုအိ (yasui - やすい) စာလုံးတွေပါ။ အဲဒီ ၃ လုံးကို ရောထွေးပြီး ကျမ ဘယ်လိုမှ ခွဲမရဘူး။ စာလုံး ၃ လုံးက ရုတ်တရက် ဖတ်လိုက်ရင် ဆင်တူ ပေမယ့် အဓိပ္ပာယ်က တခြားစီပါပဲ။


ယာစရှိ
 ဆိုတဲ့ အသံထွက်မှာ အဓိပ္ပာယ် ၂ မျိုးရှိသလို ခန်းဂျိ လည်း ၂ မျိုး ရှိတယ်။ တစ်မျိုးက “လွယ်ကူတယ်(易しい)လို့ အဓိပ္ပာယ်ရပြီး လူကို ရည်ညွှန်းပြီးသုံးမယ် ဆိုရင်တော့ “သဘောကောင်းတယ်(優しい)လို့ အဓိပ္ပာယ် ရတယ်။ နောက် “ယာစအိ” ကတော့ “ဟင်းသီးဟင်းရွက်” (野菜) ဆိုတဲ့ အဓိပ္ပာယ် တစ်မျိုးပဲ ရှိတယ်။ “ယာစုအိ” ကိုလည်း ၂ မျိုး သုံးလို့ရတယ်။ ခန်းဂျီး ကတော့ “ဈေးသက်သာတယ် (安い)ဆိုတဲ့ အဓိပ္ပာယ် တစ်လုံးထဲပါ။ ဒါပေမယ့် verb တခုခုကို ရာစုအိ ရှေ့မှာ ခံပြီး သုံးမယ်ဆိုရင် ထည့်သုံးလိုက်တဲ့ verb ပေါ် မူတည်ပြီး အဓိပ္ပာယ်က ပြောင်းသွားတယ်။ ဥပမာ “စားတယ်” ဆိုတဲ့ စာလုံးကို “ယာစုအိ” နဲ့ တွဲသုံးလိုက်ရင် “စားရတာ လွယ်တယ်” ဆိုတဲ့ သဘောမျိုး ဖြစ်သွားတယ်။ စာသင်နေတာ မဟုတ်လို့ အသေးစိတ် မရှင်းပြတော့ဘူးနော်။


တရက်တော့ ရုံးက သူငယ်ချင်းတွေနဲ့ စကားပြောမိရင်း ကိုယ့်အစွမ်းအစလေးတွေ ထုတ်ကြွားဦးမှဆိုပြီး ပြောလိုက်တာ “
ခနိုဂျို ၀ ယာစအိ ဒဲ့စနဲ (kanojyo wa yasai desu ne - かのじょ は やさい ですね。) ဆိုတော့ သူတို့တွေ ရီလိုက်ကြတာ။ ကျမလည်း အူကြောင်ကြောင် နဲ့ ဘယ်ကြောင့် ရီကြလဲ မသိဘူးပေါ့။ အမှန်က “သူမက သဘောကောင်းတယ်”လို့ ပြောချင်တာပါ။ မှားပြောလိုက်တော့ “သူမက ဟင်းသီးဟင်းရွက်ပါ” ဆိုတဲ့ အဓိပ္ပာယ်ဖြစ်သွားတာ။


နောက်ပြီး ဂျပန်စာလုံးမှာ tsu (
) နဲ့ su () ဆိုပြီး စာလုံး ၂ လုံးရှိပါတယ်။ su” က အသံထွက်ရတာ လွယ်ပေမယ့် မြန်မာလူမျိုးမှာ လုံးလုံး မရှိတဲ့ “tsu” ဆိုတဲ့ အသံကို ကျမ ကောင်းကောင်း အသံ မထွက်နိုင်သေးဘူး။ အသံထွက်ကို မြန်မာစာလုံးနဲ့ ဘယ်လို ရေးပြ ရမှန်းတောင် မသိဘူး။ ဒီ tsu ဆိုတဲ့ အသံမှာ လျှာလိပ်သံပါတယ်။ ဆရာမလည်း လျှာထားပုံ ထားနည်းက အစ သေချာ သင်ပေးတာပဲ။ သင်တုန်းခဏပဲ မှန်တယ်။ ပြီးတော့ အသံထွက်က ပြန်မှားတာပဲ။ အခုထိကို မမှန်သေးဘူး။


နောက် အမြဲလိုလို မှား သုံးတာက “လာပါ” (kite -
きて), “ရေးပါ” (kaite -かいて), “၀ယ်ပါ” (katte - かって), နားထောင်ပါ” (kiite -きいて ) တွေပါ။ မှတ်မှတ်ရရ ပေါ့။ တရက် ကျမတို့ အိမ်ကို ဂျပန်မသူငယ်ချင်း လာလည်ပါတယ်။ သူက အိမ် လာလည်ရင်း စားစရာ မုန့် တချို့ ၀ယ်လာခဲ့တယ်။ ပြန်ခါနီး သူ့ကို အိမ် တံခါးဝအထိ လိုက်ပို့ပေးရင်း ကျမက လောကွတ်ချော်ပြီး “မတ ခိတဲ့ ခုဒဆိုင်း” (mata kite kudasai - また きて ください。နောက်လည်း လာလည်ပါလို့) ပြောရမှာကို “မတ ခပ်တဲ့ ခုဒဆိုင်း” (mata katte kudasai - また、かってください。နောက်လည်း ၀ယ်ပါ) ဆိုတော့ အားလုံး တ၀ါးဝါးနဲ့ ၀ိုင်းရီကြတယ်။


*****


ကိုယ်နဲ့ ရင်းနှီးကျွမ်းဝင်မှု မရှိတဲ့ ဘာသာစကားကို လေ့လာတဲ့အခါမှာ မှားမယ်၊ ရီစရာ ဖြစ်မယ်၊ တလွဲဖြစ်မယ် ဒီလိုမျိုးတွေကို ကြုံရတတ်ပါတယ်။ ဘယ်ဘာသာစကားမဆို သင်ခါစမှာတော့ အခက်အခဲတွေ ရှိတာပေါ့။ ကိုယ်က တစိုက်မတ်မတ် လုပ်ဖြစ်ဖို့ပဲ လိုတာပါ။ ကျမ ကိုယ်တိုင်လည်း ဂျပန်စာကို တဖြည်းဖြည်းချင်း လေ့လာ သင်ယူနေရတုန်းပဲ။ မသိသေးတာတွေက များလွန်းတော့ ကောင်းကောင်း ပြောနိုင် ဆိုနိုင် ရေးနိုင်တဲ့ အဆင့်ရောက်ဖို့ကို အချိန်အတိုင်းအတာ တစ်ခုပေးပြီး ကြိုးစားနေရဦးမှာပါ။


*ကျမ မြန်မာလို ရေးထားခဲ့တဲ့ ဂျပန်စာလုံး အသံထွက် “ရာစရှိ၊ ရာစအိ၊ ရာစုအိ” ကို “ra” အသံနဲ့ မှားထွက်မိမှာစိုးလို့ “ယာစရှိ၊ ယာစအိ၊ ယာစုအိ” ဆိုပြီး ပြင်လိုက်ပါတယ်။ အမှားပြင်ဆင်ပေးတဲ့ ကိုပီတိရေ.. ကျေးဇူးပါ.. :)


မတ်လ ၁၉၊ ၂၀၀၉။

March 13, 2009

ရောက်တတ်ရာရာ

အခုတလော Blog မှာ ပို့စ်အသစ်လည်း မတင်ဖြစ်ဘူး။ ဘာတွေ အလုပ်ရှုတ်နေသလဲလို့မေးရင် ဘာမှ အလုပ်မရှုတ်ပါဘူးလို့ ဖြေရမှာပဲ။ အလုပ်လည်း မရှုတ်ဘူး စိတ်ထဲလည်း မပျော်ဘူး။ ဘယ်က ဘယ်လို ၀င်လာမှန်းမသိတဲ့ stress တွေပေါ့။ စိတ်ညစ်စရာတွေ ရှိရင် စာရေးချင်တဲ့စိတ်လည်း အလိုလို ကုန်ခမ်းနေရော။ ဒီနေ့မှ Blog ကို လှည့်ကြည့်လိုက်တာ Comment ပြန်ဖြေဖို့ အကြွေးတွေ အများကြီးပဲ။ သိပ်မကြာသေးပါဘူးလေ၊ ဖေဖော်ဝါရီ ၁၄ ရက် ကတည်းကဆိုတော့ ၁ လလောက်ပါပဲနော်။ ပြီးခဲ့တဲ့ ပို့စ်တွေက Comment တွေကို ဒီပိတ်ရက်မှာ ပြန်ပေးပါ့မယ်။


*****


အမှန်တော့ ရေးလက်စနဲ့ ရေးထားပြီးသား အချောမသတ်ရသေးတဲ့ စာတွေ ကွန်ပျူတာထဲမှာ ရှိနေတယ်။ Blog ပေါ်ကို ပို့စ်အနေနဲ့သာ မရောက်လာတာ။ ရေးလက်စတွေ လက်စ မသပ်ပဲ နောက်မှ ဆက်ရေးမယ်ဆိုပြီး လက်ဖက်နှပ်သလို နှပ်ထားတာ။ လက်ဖက်ဆိုလို့ အခုတလော ဈေးကွက်မှာ ရောင်းနေတဲ့ လက်ဖက်တွေ ထဲမှာ ဆိုးဆေး တွေ့လို့ဆိုပြီး မစားဖို့ တားမြစ်ထားတဲ့စာတွေ သတင်းတွေ ဖတ်ရတယ်။ လောလောဆယ် ကျမဆီမှာ မစားရသေးပဲ ရှိနေတဲ့ လက်ဖက်ထုပ်တွေ ဘယ်လို လုပ်ပစ်ရမှန်းတောင် မသိတော့ဘူး။ ပစ်ရမှာလည်း အဆီတ၀င်းဝင်း စားရမှာလည်း သဲတလျှပ်လျှပ်ဆိုသလိုပဲ။ ဆိုးဆေးတွေ့တယ်ဆိုတဲ့ ခေါင်းစဉ်အောက်မှာ ကိုယ့်လက်ထဲ ရှိတဲ့ တံဆိပ်လေး မပါ ပါစေနဲ့ဆိုပြီး ဆုတောင်းရင်း ရင်တုန်တုန်နဲ့ စာရင်း ဖတ်ကြည့်မိတယ်။ မထူးပါဘူး။ တံဆိပ် အားလုံးလိုလို ပါတာပါပဲ။ ကိုယ်မသိတဲ့ တံဆိပ်တွေတောင် ပါနေသေးတယ်။ အဲဒါတွေကို အခုမှ သိပြီး သတင်းစာထဲ ထည့်ကြော်ငြာတာ အံ့သြလိုက်တာ။ ပြည်တွင်းထဲမှာရော နိုင်ငံခြားက မြန်မာ အများစုကပါ တံဆိပ်ပေါင်းစုံ လက်ဖက်ပေါင်းစုံ စားလာတာပဲ ကြာလှနေပြီ။ ကျန်းမာရေး ၀န်ကြီးဌာနကတော့ စဉ်ဆက်မပြတ် စမ်းသပ် စစ်ဆေးမှုတွေ လုပ်နေတယ်ပြောတာပဲ။ တတ်နိုင်ဘူးလေ။ ကိုယ်တွေက သူတို့ပြောမှ သိရတာကိုး။ အခုလောက်ဆို လက်ဖက်ထဲမှာ ပါတဲ့ “Auramine O” ဆိုတဲ့ ဆိုးဆေးတွေ ကိုယ့် ကိုယ်ခန္ဓာထဲမှာ ဘယ်လောက်များပြီး အသည်း၊ ကျောက်ကပ်၊ ကင်ဆာ နဲ့ တခြားရောဂါတွေ
ဘယ်အချိန် ထ ဖြစ်မလဲတော့ မသိဘူး။ ရှေ့လျှောက် မစားပဲနေရင်တော့ ရမယ်ထင်တာပဲ။ ရှိစေတော့.. ရှိစေတော့ ဗိုက်ထဲ ရောက်နှင့်ပြီးသား ဟာတွေကို ဘာမှ ပြန်လုပ်ယူလို့ မရတော့ဘူး။ Blog အကြောင်း ပြောနေရင်းက မဆီမဆိုင် လက်ဖက်အကြောင်းက ရောက်သွားလိုက်သေးတယ်။ ပြန်ဆက်ဦးမယ်..


ရေးထားတာတွေထဲကပဲ ဖြေးဖြေးချင်း တင်ပေါ့လို့ ပြောရင်လည်း ရတာပဲနော့။ ကျမမှာလည်း ကိုယ့်အကြောင်းနဲ့ ကိုယ်ပါ။ Blog မှာ စာတင်ဖို့ဆို ကျမရဲ့ အယ်ဒီတာဆီ အရင် တင်ရတယ်။ သူ့ကို အရင် ဖတ်ခိုင်းရတယ်။ သူက မကြိုက်ဘူးဆိုရင် ပြန်ပြင်ခိုင်းတယ်။ ကိုယ်က ၃ မျက်နှာလောက် ရေးထားမှ Blog ပေါ်ကျရင် ၁ မျက်နှာလောက်ပဲ ပါလာတာ။ ကပ်ကြေးစာ မိရတဲ့ အကြောင်းတွေ ကတော့ အစုံပဲ။

“စာထဲမှာ ဒေါသသံတွေ များနေတယ်”
“ဒီစာပိုဒ်က ကိုယ်ရေး ကိုယ်တာ တွေပါနေတယ်”
“အကြောင်းအရာ တစ်ခုကို ရေးနေရင်းက ဘာလို့ နောက်အကြောင်းတစ်ခုကို ချက်ချင်းခုန်သွားရတာလဲ”
“စာက ဖတ်ရတာ မချောဘူး”
“ရေးနေတဲ့စာက အရှေ့နဲ့ အနောက် မညီဘူး၊ လက်ရှိရေးနေတဲ့ အကြောင်းအရာနဲ့ မဆိုင်တာတွေ ပါနေတယ်”
“ကိုယ်က သေသေချာချာ မသိရင် မရေးရဘူး”
“အတင်းပြောသလိုမျိုး သူများအကြောင်း မရေးရဘူး”

စသဖြင့် စသဖြင့်နဲ့ ကျမ ရေးထားတာတွေကို ကပ်ကြေးနဲ့ ကိုက်သလို တဖြည်းဖြည်းချင်း ဖြတ်ပစ်တတ်တယ်။ နောက်ပြီး ကျမ ရေးထားတာ စာမချောရင် အယ်ဒီတာက လုံးဝ မကြည့်ပေးဘူး။ ကိုယ့်ဘာသာကိုယ် ပြန်ဖတ်ပြီး စာချောအောင် ရေးပြီးမှ သူ့ကိုဖတ်ကြည့်ခိုင်းရတယ်။ သူစိတ်ရှည်လက်ရှည် ဖတ်ပြီး စိတ်တိုင်းကျ ကပ်ကြေးနဲ့ ကိုက်ပြီးမှ Blog ပေါ်တင်ရတာ။ ဒါကြောင့် သူလည်း စာဖတ်ပေးဖို့ အချိန်ရမှ၊ ကိုယ်လည်း စာရေးထားတာ အဆင်သင့်ဖြစ်ပြီဆိုမှ ပို့စ်တစ်ခု ဖြစ်လာတာပါ။


Blog မှာ ကိုယ်စိတ်ကြိုက် လုပ်လို့ရတာက Banner တစ်ခုပဲ ရှိတယ်။ ပုံကို ကိုယ့်စိတ်ကြိုက်ရွေးတယ်။ ပြီးရင် ကိုယ့်စိတ်ကြိုက် ဖြတ်ညှပ်ကပ်လုပ်ပြီး Banner အဖြစ်တင်တယ်။ အခုလည်း Banner ကို မက်မွန်ပန်းပုံကနေ ချယ်ရီပန်းပုံ ပြောင်းလိုက်တယ်။ ဒီလကုန်ခါနီးလောက်ဆို ချယ်ရီတွေ ပွင့်တော့မှာမို့ ပန်းပုံ ပြောင်းလိုက်တာ။ အခုတောင် အဖူးတွေ စပြီး မြင်နေရပြီ။ တချို့နေရာမှာလည်း နည်းနည်းချင်းစီ ပွင့်နေကြပြီ။ ပန်းတွေ ပွင့်တော့လည်း ချယ်ရီပန်းကြည့်ပွဲ လုပ်ရဦးတော့မှာပေါ့။


*****


ရေးချင်တာတွေ လျှောက်ရေးနေတာနဲ့ စာက အစီအစဉ်လည်း မကျသလို စာလာဖတ်သူလည်း မျက်လုံးညောင်းနေရောပေါ့။ စာမရေးဖြစ်တာ ကြာလို့ စိတ်ကူးထဲ ပေါ်လာတာတွေ ချရေးမိတာပါ။ ဒီပို့စ်ရေးပြီး ခေါင်းစဉ် ဘာပေးရမှန်းမသိတာနဲ့ မမွန် ရဲ့ Blog က Label စာသားကို ဖတ်မိပြီး သဘောကျလို့ ယူသုံးလိုက်ပါတယ်။


မတ်လ ၁၄၊ ၂၀၀၉။

March 3, 2009

မက်မွန်ပွင့်ချိန်

ဂျပန်မှာတော့ ဒီနှစ် ဖေဖော်ဝါရီလ ၄ ရက်နေ့မှာ နွေဦးရာသီ စ ပါတယ်။ နွေဦးရောက်ပြီဆိုတော့ Ume () ပန်း တွေ တစ်ခါ ပွင့်လာပြန်ပါပြီ။ Wiki မှာ ဖတ်ရတော့ Ume အပင်က Plum မျိုးနွယ်ထဲမှာ ပါပြီး Japanese Apricot လို့လည်း ခေါ်ကြတယ်။ ဒါနဲ့ မြန်မာ အင်္ဂလိပ် အဘိဓာန်မှာ Apricot စာလုံး ရှာကြည့်တာ “မက်မွန်” ဆိုပြီး ဘာသာပြန်ထားတယ်။ အဲဒီတော့ Ume ပန်းကို မက်မွန်ပန်းလို့ပဲ ခေါ်လိုက်တော့မယ်နော်။ မက်မွန်ပန်းက ပုံမှန်ဆို မတ်လဆန်းကနေ မတ်လလယ်လောက်မှ စ ပွင့်တတ်တာ။ ဒီနှစ်တော့ မနှစ်ကထက် စာရင် ပန်းပွင့်တာ စောတယ်လို့ ပြောရမယ်။ ဂျပန်ရဲ့ တချို့နေရာတွေမှာ ဖေဖော်ဝါရီ လလယ် လောက်ကတည်း က ပန်းတွေ စပြီး ပွင့်နေကြလို့ပါ။


မက်မွန်ပန်းတချို့ ပွင့်နေပြီလို့ သတင်းမှာတွေ့လိုက်မိ ကတည်းက ကျမ ပန်းပွင့်တာကို သွားကြည့်ချင်နေတာ။ Osaka ထဲမှာတော့ Osaka Castle နားမှာ မက်မွန်ပင်တွေ ချည်းပဲ စိုက်ထားတဲ့ ပန်းခြံရှိပါတယ်။ အခုတလော စနေ၊ တနင်္ဂနွေ ရုံးပိတ်ရက်တွေ မှာလည်း မိုးရွာနေတာနဲ့ ပန်းခြံကို မသွားဖြစ်ခဲ့ပါဘူး။ ဒီတပတ် ပိတ်ရက်ကျမှပဲ ရာသီဥတု သာယာတာနဲ့ မက်မွန်ပန်းခြံကို ရောက်ဖြစ်ခဲ့တယ်။


*****


ဇန်န၀ါရီလ ကုန်ခါနီးမှာ Osaka Castle ကို ရောက်ဖြစ်တော့ Castle အပေါ်ကနေ ပန်းခြံကို လှမ်းကြည့်လိုက်သေးတယ်။ ပန်းတွေ မပွင့်သေးပဲ အဖူးလေးတွေပဲ ရှိနေသေးတာ။ နောက်ပြီး အဲဒီ မက်မွန်ပန်းခြံကလည်း ပန်းပွင့်ချိန်လေးပဲ လူရှိတာပါ။ ကျန်တဲ့အချိန်ဆို ပန်းခြံက ခြောက်ကပ်ကပ်နဲ့ လာတဲ့သူတောင် မရှိဘူး။


ကျမတို့ ပန်းခြံရောက်သွားတော့ ပန်းလာကြည့်တဲ့ သူတွေ အပြင် မုန့်ဈေးသည်တွေနဲ့ ပန်းခြံ တ၀ိုက်မှာတော့ လူကြိတ်ကြိတ်တိုးပဲ။ မက်မွန်ပန်းတွေက အပင်တိုင်း ပင်လုံးကျွတ် ပွင့်နေတာ အရမ်းလှတာပဲ။ ပန်းပွင့်တွေ ဝေဆာနေတဲ့ အပင်တွေ ကြည့်ရင်း စိတ်ထဲလည်း ကြည်နူးမိတယ်။ ပန်းပွင့် အနား ကပ်ပြီး မွှေးကြည့်လိုက်တော့ အနံ့သင်းသင်းလေးပဲ ရတယ်။ တချို့အပွင့်တွေဆို အနံ့မရှိဘူးတောင် ပြောလို့ရတယ်။


အခုသွားခဲ့တဲ့ ပန်းခြံမှာ မက်မွန်ပန်း မျိုးကွဲပေါင်း ၉၅ မျိုးရှိပြီး အပင်ပေါင်း ၁၂၅၀ ပင် ရှိတယ်လို့ website တစ်ခုမှာ ဖတ်ဖူးပါတယ်။ မက်မွန်ပန်းက ပွင့်ချပ် ၅ ချပ်ရှိပြီး အဖြူရောင်၊ အ၀ါရောင်၊ အနီရောင်၊ ကြက်သွေးရောင်၊ ပန်းရောင် အရင့်အဖျော့နဲ့ အရောင်စုံရှိတယ်။ နောက်ပြီး တပင်တည်းမှာကို အဖြူရောင်၊ ပန်းရောင် အဖျော့ နဲ့ အရင့် ကိုင်းဆက်ပြီး စိုက်ထားတာ လည်း တွေ့ခဲ့ရတယ်။ ပန်းပွင့်နေလို့သာ ကိုင်းဆက် စိုက်ထားမှန်း သိရတာပါ။ အပွင့်မရှိပဲ အပင်ချည်း ဆိုရင် ဘယ်လာ သိနိုင်ပါ့မလဲ။ ပန်းအမျိုးအစား နာမည်တွေ ပေးထားတာလည်း စုံနေတာပဲ။ ကျမကတော့ အပင်တွေ ကြည့်ရင်း အရောင် ဆင်တူနေတယ်ဆိုရင် အမျိုးတူတယ်ပဲ အောက်မေ့နေတာ။ တကယ်တော့ အရောင်တူပေမယ့် တချို့အပင်တွေက မိုးပေါ် ထိုးထိုးထောင်ထောင်ပွင့်တယ်။ တချို့လည်း မိုးမခပင်လို မြေကြီးကို ပြန်ပြီး ဦးညွှတ်ပြီး ပွင့်ကြတယ်။ ပုံစံအမျိုးမျိုးပဲ။


*****


လွန်ခဲ့တဲ့ ၄ နှစ်ကျော်က ဒီလိုအချိန်မှာ အခုပန်းခြံကို သူငယ်ချင်းတွေနဲ့ အတူ လာခဲ့ဖူးသေးတယ်။ Osaka ကို ရောက်ခါစပေါ့။ အဲဒီတုန်းက ပန်းတွေ ပွင့်နေတာ သဘောကျပြီး ဟိုနားလည်း ဓာတ်ပုံရိုက်၊ ဒီနားလည်း ဓာတ်ပုံရိုက်နဲ့။ ဓာတ်ပုံ ရိုက်ဖို့လောက်ပဲ စိတ်အားသန်နေတာ။ အခုတစ်ခေါက်ကတော့ ကိုယ့်ပုံချည်းပဲ ကြည့်ရတာ ရိုးနေလို့ ပန်းပုံတွေပဲ များများ ရိုက်ယူခဲ့တယ်။ ပန်းလာကြည့်တဲ့သူ တချို့ လည်း ပဲအမျိုးမျိုး၊ စတိုင်အမျိုးမျိုး ထုတ်ပြီး ဓာတ်ပုံ ရိုက်နေတာလည်း မြင်ခဲ့ရတယ်။ စုံတွဲလာတဲ့ သူကျပြန်တော့ နှစ်ယောက်သား ကိုယ့်ဘာသာကိုယ် ကင်မရာ ပြန်ချိန်ပြီး ဓာတ်ပုံ ရိုက်ယူကြတယ်။ ကိုယ့်အုပ်စုနဲ့ ကိုယ် ပန်းပင်တွေအောက် ထိုင်ပြီး ပန်းကြည့်ရင်း( Hanami -花見) စားသောက်နေတဲ့သူတွေလည်း ရှိတယ်။ ဒါပေမယ့် ချယ်ရီပန်း ကြည့်ပွဲလောက်တော့ ပန်းကြည့်ပွဲ လုပ်တဲ့သူ မများလှဘူး။


ပန်းခြံထဲ လျှောက်ကြည့်ပြီးတော့ ပြန်ခါနီး မက်မွန်ပန်း ဘွန်ဆိုင်းအပင်တွေ ရောင်းတဲ့ဆိုင်မှာ သွားမော့ခဲ့လိုက်သေးတယ်။ အပင်တွေကလည်း ဈေးကြီးလိုက်တာ။ အပင်သေးသေး လက်တောက်လောက်ကလေးကို ဘွန်ဆိုင်းလုပ်ထားတာ ယန်း ၁၅၀၀၊ ၂၅၀၀၊ ၃၅၀၀၊ ၅၀၀၀ အစားစားပဲ။ အပင်ကြီးတွေဆိုရင်တော့ ယန်း သောင်းချီပြီး ပေးရမှာ။ ဈေးကြီးပေမယ့် ၀ယ်တဲ့သူတွေတော့ ၀ယ်နေကြတာပဲ။


*****


ဒီနှစ် ရိုက်ခဲ့တဲ့ ဓာတ်ပုံတွေရယ် အရင်နှစ်မှာ ရုံးက သူငယ်ချင်းတွေ သွားလို့ ရိုက်လာတဲ့ ပန်းပုံတွေရယ် စုပြီး အားလုံး ကြည့်လို့ရအောင် Virtual Tour လုပ်ပြီး ဝေမျှပေးလိုက်ပါတယ်။ အပေါ်က Banner မှာ တင်ထားတဲ့ ပုံကလည်း သူငယ်ချင်းဆီက တောင်းပြီး ဖြတ်ညှပ်ကပ် လုပ်ထားတဲ့ မက်မွန်ပန်းပုံပါပဲ။




မတ်လ ၃၊ ၂၀၀၉။